Handbolti

Hörður tryggði sér sæti í Olís-deild karla í fyrsta skipti í sögunni

Hjörtur Leó Guðjónsson skrifar
Hörður frá Ísafirði mun eiga lið í Olís-deild karla í handbolta á næsta tímabili.
Hörður frá Ísafirði mun eiga lið í Olís-deild karla í handbolta á næsta tímabili. Hörður

Hörður frá Ísafirði tryggði sér sæti í Olís-deild karla í handbolta í kvöld með sex marka sigri gegn Þór Akureyri, 25-19. Þetta verður í fyrsta skipti í sögunni sem félagið mun leika í efstu deild í handbolta.

Heimamenn í Herði voru sterkari aðilinn í fyrri hálfleik og náðu upp góðu forskoti. Þegar gengið var til búningsherbergja var munurinn orðinn fimm mörk, staðan 14-9 heimamönnum í vil.

Akureyringar minnkuðu muninn niður í tvö mörk þegar síðari hálfleikur var um það bil hálfnaður, en nær komust þeir ekki og niðurstaðan varð sem marka sigur heimamanna, 25-19.

Með sigrinum tryggðu Harðarmenn sér sigur í Grill66-deild karla og þar með farseðilinn í Olís-deildina á næsta tímabili. Liðið endaði með 34 stig í 20 leikjum, einu stigi meira en ÍR-ingar sem höfnuðu í öðru sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.