Bíllaus Laugardalur og fleiri hugmyndir Ævar Harðarson skrifar 30. mars 2022 10:00 Á að gera Laugardalinn bíllausan? Hvernig á að nota gömlu stúkuna við Laugardalslaug og tengd mannvirki? Er til dæmis pláss fyrir bókasafn þar? Á að breyta syðsta hluta af bílastæðunum við Laugardalsvöll í grænt svæði? Þessa hugmyndir eru meðal þess sem þegar hafa verið nefndar í tengslum við gerð hverfisskipulags fyrir hverfin sem liggja að Laugardalnum en sú vinna hófst í byrjun árs. Dagana 30. og 31. mars munu örugglega miklu fleiri hugmyndir koma fram en þá verður opið hús og hugmyndakvöld undir stúkunni við Laugardalsvöll. Á staðnum verða til sýnis stór módel sem nemendur í 6. bekk Vogaskóla, Langholtsskóla og Laugarnesskóla og 7. bekkingar í Laugalækjarskóla hafa smíðað á undanförnum dögum af hverfunum í kringum skólana auk plakata með hugmyndum krakkanna um hvaða aðgerðir og úrbætur þau vilja að verði að veruleika í og við Laugardal. Nemendur í 8. og 9. bekk í Laugalækjarskóla skoða módel af sínu hverfi og koma með hugmyndir um úrbætur í hverfunum.Bragi Þór Jósefsson Sæbrautarstokkur, Sundabraut og Borgarlína Mjög umfangsmikil skipulagsverkefni eru framundan í Laugarnes-, Langholts- og Vogahverfi. Sæbraut á að fara í stokk milli Vogahverfis og hinnar nýju Vogabyggðar. Stokkurinn mun gjörbylta þessu svæði. Umferðarstórfljótið verður neðanjarðar og hægt verður að fara á yfirborðinu eftir göngu- og hjólastígum á þægilegan máta frá Laugardal að Elliðaárósum. Umhverfis og ofan á stokknum skapast forsendur fyrir spennandi borgarbyggð. Borgin hefur ýmsa útfærslur til skoðunar í þessari uppbyggingu. Til grundvallar er nýtt Vogatorg en þar verður meginstoppistöð Borgarlínu á milli Ártúnshöfða og miðbæjar Reykjavíkur. Við torgið verða íbúðabyggingar, verslun og þjónusta, og út frá því teygja sig götur með fjölbreyttu íbúða- og þjónustuhúsnæði. Annað risamál er lega og útfærsla Sundabrautar. Þar eru annars vegar Sundagöng og hins vegar Sundabrú megin valkostirnir. Umhverfismatið og samráð við íbúa og hagsmunaaðila beggja vegna Kleppsvíkur er algjört lykilatriði við endanlegt leiðarval á Sundabraut. Í jaðri þessara hverfa er svo Suðurlandsbrautin þar sem fyrsti áfangi Borgarlínu mun liggja. Öll þessi stóru verkefni þarf að hafa í huga við gerð hverfisskipulags sem kallar á samráð við íbúa, hagsmunaaðila og opinbera umsagnaraðila á öllum stigum skipulagsvinnunnar. Ný þróunar- og uppbyggingarsvæði Gert er ráð fyrir töluverðri fjölgun lítilla og meðalstórra íbúða en einnig stærri fjölskylduíbúða í Laugarneshverfi, Langholtshverfi og Vogahverfi. Á sérstakri kynningarsíðu um gerð hverfisskipulags fyrir þessi hverfi er hægt að skoða yfirlit yfir helstu uppbyggingarreitina auk annarra upplýsinga um þennan borgarhluta sem er í hjarta Reykjavíkur. Þessi byggingasvæði og reitir eru samkvæmt aðalskipulagi eða þegar samþykktu deiliskipulagi. Í vinnunni við hverfisskipulag verður meðal annars kallað eftir sjónarmiðum íbúa um hvort ástæða er til að skilgreina fleiri ný þróunar- og uppbyggingarsvæði. Nemendur í skólunum í Laugardal hafa komið með margar góðar hugmyndir um hvernig gera má hverfin enn betri.Bragi Þór Jósefsson Fleiri borgargötur Sama gildir um svokallaðar borgargötur. Mikilvægt er að fólkið sem býr í hverfunum láti í sér heyra um hvort eigi að fjölga þeim. Þegar helstu umferðargötum er breytt í borgargötur er lögð áhersla á meiri gróður og gatnahönnun sem dregur úr umferðarhraða, eykur umferðaröryggi, minnkar hávaða frá ökutækjum og mengun og eykur þannig lífsgæði íbúa. Aðstæður geta verið ólíkar á milli hverfa en í öllum tilvikum breytist ásýnd gatna verulega þegar þær verða borgargötur. Áhersla er lögð á opin svæði, hverfisgarða og hverfistorg. Þar verða til staðir þar sem fólk hittist. Við þær er oft ýmiss konar verslun og þjónusta auk annarrar stoðþjónustu, til dæmis grenndarstöðvar og rafhleðslustöðvar og stöðvar fyrir deilibíla og deilihjól. Starfsfólk umhverfis- og skipulagssviðs borgarinnar verður á hugmyndakvöldunum við Laugardalsvöll til að taka á móti hugmyndum. Þær verða svo unnar áfram með sérfræðingum borgarinnar og lagðar fram sem vinnutillögur í næstu umferð samráðsins. Við vonumst til að sjá sem flest af íbúum við Laugardal. Höfundur er deildarstjóri Hverfisskipulags Reykjavíkur/ Ph.D. arkitekt/Umhverfis- og skipulagssvið Reykjavíkur. Viltu birta grein á Vísi? Sendu okkur póst. Senda grein Ævar Harðarson Reykjavík Skipulag Samgöngur Borgarlína Laugardalsvöllur Mest lesið Hamas og átökin við Ísrael – hvað er ekki sagt upphátt? Einar G Harðarson Skoðun Opið bréf til stjórnvalda Elín Ýr Arnar Hafdísardóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Loksins fær þyrlan heimili fyrir norðan Njáll Trausti Friðbertsson Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Við skuldum þeim að hlusta Ólafur Adolfsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Næstu sólarhringar á Gaza skipta sköpum Hlynur Már Vilhjálmsson Skoðun Huglæg réttlætiskennd og skattar á verðmætasköpun Kristinn Karl Brynjarsson Skoðun Daði Már týnir sjálfum sér Heiðrún Lind Marteinsdóttir Skoðun Skoðun Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Sjá meira
Á að gera Laugardalinn bíllausan? Hvernig á að nota gömlu stúkuna við Laugardalslaug og tengd mannvirki? Er til dæmis pláss fyrir bókasafn þar? Á að breyta syðsta hluta af bílastæðunum við Laugardalsvöll í grænt svæði? Þessa hugmyndir eru meðal þess sem þegar hafa verið nefndar í tengslum við gerð hverfisskipulags fyrir hverfin sem liggja að Laugardalnum en sú vinna hófst í byrjun árs. Dagana 30. og 31. mars munu örugglega miklu fleiri hugmyndir koma fram en þá verður opið hús og hugmyndakvöld undir stúkunni við Laugardalsvöll. Á staðnum verða til sýnis stór módel sem nemendur í 6. bekk Vogaskóla, Langholtsskóla og Laugarnesskóla og 7. bekkingar í Laugalækjarskóla hafa smíðað á undanförnum dögum af hverfunum í kringum skólana auk plakata með hugmyndum krakkanna um hvaða aðgerðir og úrbætur þau vilja að verði að veruleika í og við Laugardal. Nemendur í 8. og 9. bekk í Laugalækjarskóla skoða módel af sínu hverfi og koma með hugmyndir um úrbætur í hverfunum.Bragi Þór Jósefsson Sæbrautarstokkur, Sundabraut og Borgarlína Mjög umfangsmikil skipulagsverkefni eru framundan í Laugarnes-, Langholts- og Vogahverfi. Sæbraut á að fara í stokk milli Vogahverfis og hinnar nýju Vogabyggðar. Stokkurinn mun gjörbylta þessu svæði. Umferðarstórfljótið verður neðanjarðar og hægt verður að fara á yfirborðinu eftir göngu- og hjólastígum á þægilegan máta frá Laugardal að Elliðaárósum. Umhverfis og ofan á stokknum skapast forsendur fyrir spennandi borgarbyggð. Borgin hefur ýmsa útfærslur til skoðunar í þessari uppbyggingu. Til grundvallar er nýtt Vogatorg en þar verður meginstoppistöð Borgarlínu á milli Ártúnshöfða og miðbæjar Reykjavíkur. Við torgið verða íbúðabyggingar, verslun og þjónusta, og út frá því teygja sig götur með fjölbreyttu íbúða- og þjónustuhúsnæði. Annað risamál er lega og útfærsla Sundabrautar. Þar eru annars vegar Sundagöng og hins vegar Sundabrú megin valkostirnir. Umhverfismatið og samráð við íbúa og hagsmunaaðila beggja vegna Kleppsvíkur er algjört lykilatriði við endanlegt leiðarval á Sundabraut. Í jaðri þessara hverfa er svo Suðurlandsbrautin þar sem fyrsti áfangi Borgarlínu mun liggja. Öll þessi stóru verkefni þarf að hafa í huga við gerð hverfisskipulags sem kallar á samráð við íbúa, hagsmunaaðila og opinbera umsagnaraðila á öllum stigum skipulagsvinnunnar. Ný þróunar- og uppbyggingarsvæði Gert er ráð fyrir töluverðri fjölgun lítilla og meðalstórra íbúða en einnig stærri fjölskylduíbúða í Laugarneshverfi, Langholtshverfi og Vogahverfi. Á sérstakri kynningarsíðu um gerð hverfisskipulags fyrir þessi hverfi er hægt að skoða yfirlit yfir helstu uppbyggingarreitina auk annarra upplýsinga um þennan borgarhluta sem er í hjarta Reykjavíkur. Þessi byggingasvæði og reitir eru samkvæmt aðalskipulagi eða þegar samþykktu deiliskipulagi. Í vinnunni við hverfisskipulag verður meðal annars kallað eftir sjónarmiðum íbúa um hvort ástæða er til að skilgreina fleiri ný þróunar- og uppbyggingarsvæði. Nemendur í skólunum í Laugardal hafa komið með margar góðar hugmyndir um hvernig gera má hverfin enn betri.Bragi Þór Jósefsson Fleiri borgargötur Sama gildir um svokallaðar borgargötur. Mikilvægt er að fólkið sem býr í hverfunum láti í sér heyra um hvort eigi að fjölga þeim. Þegar helstu umferðargötum er breytt í borgargötur er lögð áhersla á meiri gróður og gatnahönnun sem dregur úr umferðarhraða, eykur umferðaröryggi, minnkar hávaða frá ökutækjum og mengun og eykur þannig lífsgæði íbúa. Aðstæður geta verið ólíkar á milli hverfa en í öllum tilvikum breytist ásýnd gatna verulega þegar þær verða borgargötur. Áhersla er lögð á opin svæði, hverfisgarða og hverfistorg. Þar verða til staðir þar sem fólk hittist. Við þær er oft ýmiss konar verslun og þjónusta auk annarrar stoðþjónustu, til dæmis grenndarstöðvar og rafhleðslustöðvar og stöðvar fyrir deilibíla og deilihjól. Starfsfólk umhverfis- og skipulagssviðs borgarinnar verður á hugmyndakvöldunum við Laugardalsvöll til að taka á móti hugmyndum. Þær verða svo unnar áfram með sérfræðingum borgarinnar og lagðar fram sem vinnutillögur í næstu umferð samráðsins. Við vonumst til að sjá sem flest af íbúum við Laugardal. Höfundur er deildarstjóri Hverfisskipulags Reykjavíkur/ Ph.D. arkitekt/Umhverfis- og skipulagssvið Reykjavíkur.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun