Handbolti

Sunna eftir tap á Hlíðar­enda: Þegar eitt­hvað virkar ekki þá brotnum við niður

Dagur Lárusson skrifar
Sunna í baráttunni.
Sunna í baráttunni. Vísir/Hulda Margrét

Sunna Jónsdóttir, fyrirliði ÍBV, var að vonum svekkt eftir tap síns liðs gegn Val í Olís-deild kvenna í handbolta í dag.

„Það var margt gott í leik okkar í 45 mínútur en svo einfaldlega brotnuðum við niður,“ byrjaði Sunna á að segja.

„Eflaust svolítið svipað og gerðist í bikarnum um daginn. Þegar eitthvað virkar ekki hjá okkur þá brotnum við og bæði vörn og sókn einfaldlega hrynur.“

Sunna vill meina að þetta sé andlega hliðin sem sé að klikka hjá liðinu.

„Ég held að þetta sé aðallega andlega hliðin hjá liðinu, við virðumst stundum ekki hafa trú á hlutunum. Þetta hefur gerst áður, semsagt góður sóknarleikur og varnarleikur en svo á augabragði hrynur það.“

Sunna vildi þó einnig tala um jákvæðu punktana úr leiknum.

„En þrátt fyrir þetta þá má ekki gleyma því að Valur er virkilega gott lið og vel þjálfað lið og þær spiluðu vel inn á okkar veikleika. Við erum búnar að spila vel eftir áramót og við verðum að halda áfram,“ endaði Sunna á að segja.

Sunna lætur vaða.Vísir/Hulda Margrét
Sunna Jónsdóttir reynir að brjóta sér leið í gegnum vörn Vals.Vísir/Hulda Margrét

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.

Handbolti Íslenski handboltinn Olís-deild kvenna ÍBV

Tengdar fréttir

Leik lokið: Valur - ÍBV 29-23 | Lygileg frammistaða Lovísu

Nýkrýndir bikarmeistarar Vals unnu góðan sex marka sigur á ÍBV en Valskonur höfðu einnig betur er liðin mættust í undanúrslitum Coca Cola-bikarsins fyrir rúmri viku. Lokatölur á Hlíðarenda í dag 29-23. Segja má að Lovísa Thompson hafi stolið senunni í dag en hún skoraði alls 15 mörk. 

Mest lesið


Fleiri fréttir

Sjá meira


×

Mest lesið