„Rosalega gaman að fá tvær svona góðar fréttir með stuttu millibili“ Sindri Sverrisson skrifar 18. mars 2022 09:00 Darri Aronsson í upphitun fyrir landsleik Íslands gegn Svartfjallalandi á Evrópumótinu í janúar. Getty/Uros Hocevar Í stað þess að selja frosna þorskhnakka á Íslandi til að safna fé fyrir félagið sitt getur Darri Aronsson gætt sér á hvítvínslegnum sniglum við bakka Signu í borg ástarinnar, París, sem atvinnumaður í handbolta frá og með næstu leiktíð. Hann er afar spenntur fyrir því að spila í einni albestu deild heims en staðráðinn í að kveðja Hauka með titli og helst titlum. Darri, sem er 22 ára gamall og sonur fyrrverandi landsliðsfólksins Huldu Bjarnadóttur og Arons Kristjánssonar, átti hreint æðislegan janúarmánuð. Hann var óvænt kallaður inn á sitt fyrsta stórmót, EM í Ungverjalandi, og var þá nýbúinn að ákveða að semja við franska félagið Ivry og hefja þannig sinn atvinnumannsferil í sumar. Tilkynnt var um samninginn við Ivry í vikunni. „Auðvitað var mjög sætt að fá kallið um að koma út í landsliðið, og draumur rættist með símtalinu um að Ivry vildi fá mig. Það er símtal sem ég var búinn að bíða lengi eftir og leggja hart að mér fyrir,“ segir Darri en hlutirnir gerðust hratt hjá honum í byrjun árs: „Samningar voru í raun í höfn áður en ég fór út á EM með landsliðinu. EM var því bara bónus og það var rosalega gaman að fá tvær svona góðar fréttir með stuttu millibili.“ Darri átti tvö ár eftir af samningi sínum við Hauka en Ivry, sem staðsett er í París í Frakklandi, keypti hann til sín og gerði við hann samning sem gildir til næstu þriggja ára. „Hafa hjálpað mér mikið í gengum tíðina“ Darri, sem spilar undir stjórn pabba síns hjá Haukum, hefur fengið góðan stuðning frá foreldrum sínum í handboltanum. „Þau hafa hjálpað mér mikið í gegnum tíðina. Ég er auðvitað með umboðsmann sem vinnur í mínum málum en varðandi lífið allt í kringum þetta, og flutningana út, þá er virkilega gott að hafa þau á bakvið sig. Þau hafa mikla reynslu,“ segir Darri sem mun leika með Ivry í efstu deild Frakklands þar sem að liðið er á leið upp úr næstefstu deildinni af miklu öryggi: „Þetta er virkilega sterkt lið og það er mikill heiður að fá að byrja atvinnumannsferilinn í frönsku úrvalsdeildinni. Það er bara þýska bundesligan sem er stærri en það, og sú danska er kannski jöfn henni. Það verður frábært að fá að reyna sig þarna, gegn þeim allra bestu eins og til dæmis Karabatic sem maður hefur horft á og litið upp til síðan maður var polli. Þetta verður mikið ævintýri.“ Þarf helst að fara á frönskunámskeið sem fyrst Darra bíða vissulega áskoranir á nýjum slóðum, ekki bara glíma við Nikola Karabatic og fleiri kanónur heldur einnig við að læra nýtt tungumál: „Ég kann ekki neitt, ekki einu sinni framhaldsskólafrönsku. Ég þarf bara að vera grimmur að læra og helst að fara á frönskunámskeið áður en ég fer út,“ segir Darri léttur, spenntur fyrir því að flytja til Parísar þó að hann blási á tal blaðamanns um að hann muni nú ekki sakna harksins í íslenska handboltanum, með tilheyrandi fjáröflunum á borð við fyrrnefnda þorskhnakkasölu. „Maður býr á Íslandi og spilar í íslensku deildinni, og hér eru engin atvinnumannalið. Það verða því allir að leggjast á árarnar og leggja sitt af mörkum, og það geri ég auðvitað með bros á vör.“ Með blóð á tönnunum í úrslitakeppnina Darri er sömuleiðis staðráðinn í að kveðja Hauka með bros á vör, eftir úrslitakeppnina í Olís-deildinni í vor: „Haukarnir fara á eftir öllum titlum á hverju einasta ári. Núna erum við í dauðafæri á að klára deildina, efstir þegar fimm leikir eru eftir, og svo eru allir með blóð á tönnunum og mjög graðir í að ná í Íslandsmeistaratitilinn, sérstaklega eftir að við töpuðum honum í fyrra. Það er líka ekkert skemmtilegra en að spila í úrslitakeppninni og ég hlakka mikið til að klára tímabilið vonandi með stæl.“ Olís-deild karla Haukar Franski handboltinn EM karla í handbolta 2022 Mest lesið Fann gamlan vin í leit sinni að nýju og breyttu lífi Körfubolti Njarðvík yfirgefur Ljónagryfjuna og fær nýjan heimavöll afhentan í sumar Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Mcllroy missti sigur úr greipum sér og DeChambeau vann opna bandaríska Sport Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn Vonarstjarna Bayern München framlengir við félagið Fótbolti Dagskráin í dag: Celtics geta orðið meistarar í kvöld Sport Bjarni lætur af störfum hjá KR Fótbolti Ísold stórbætti persónulegt met og varð Norðurlandameistari Sport Nablinn slakur í Boston sólinni eftir slæman skell í spilavítinu Körfubolti Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
Darri, sem er 22 ára gamall og sonur fyrrverandi landsliðsfólksins Huldu Bjarnadóttur og Arons Kristjánssonar, átti hreint æðislegan janúarmánuð. Hann var óvænt kallaður inn á sitt fyrsta stórmót, EM í Ungverjalandi, og var þá nýbúinn að ákveða að semja við franska félagið Ivry og hefja þannig sinn atvinnumannsferil í sumar. Tilkynnt var um samninginn við Ivry í vikunni. „Auðvitað var mjög sætt að fá kallið um að koma út í landsliðið, og draumur rættist með símtalinu um að Ivry vildi fá mig. Það er símtal sem ég var búinn að bíða lengi eftir og leggja hart að mér fyrir,“ segir Darri en hlutirnir gerðust hratt hjá honum í byrjun árs: „Samningar voru í raun í höfn áður en ég fór út á EM með landsliðinu. EM var því bara bónus og það var rosalega gaman að fá tvær svona góðar fréttir með stuttu millibili.“ Darri átti tvö ár eftir af samningi sínum við Hauka en Ivry, sem staðsett er í París í Frakklandi, keypti hann til sín og gerði við hann samning sem gildir til næstu þriggja ára. „Hafa hjálpað mér mikið í gengum tíðina“ Darri, sem spilar undir stjórn pabba síns hjá Haukum, hefur fengið góðan stuðning frá foreldrum sínum í handboltanum. „Þau hafa hjálpað mér mikið í gegnum tíðina. Ég er auðvitað með umboðsmann sem vinnur í mínum málum en varðandi lífið allt í kringum þetta, og flutningana út, þá er virkilega gott að hafa þau á bakvið sig. Þau hafa mikla reynslu,“ segir Darri sem mun leika með Ivry í efstu deild Frakklands þar sem að liðið er á leið upp úr næstefstu deildinni af miklu öryggi: „Þetta er virkilega sterkt lið og það er mikill heiður að fá að byrja atvinnumannsferilinn í frönsku úrvalsdeildinni. Það er bara þýska bundesligan sem er stærri en það, og sú danska er kannski jöfn henni. Það verður frábært að fá að reyna sig þarna, gegn þeim allra bestu eins og til dæmis Karabatic sem maður hefur horft á og litið upp til síðan maður var polli. Þetta verður mikið ævintýri.“ Þarf helst að fara á frönskunámskeið sem fyrst Darra bíða vissulega áskoranir á nýjum slóðum, ekki bara glíma við Nikola Karabatic og fleiri kanónur heldur einnig við að læra nýtt tungumál: „Ég kann ekki neitt, ekki einu sinni framhaldsskólafrönsku. Ég þarf bara að vera grimmur að læra og helst að fara á frönskunámskeið áður en ég fer út,“ segir Darri léttur, spenntur fyrir því að flytja til Parísar þó að hann blási á tal blaðamanns um að hann muni nú ekki sakna harksins í íslenska handboltanum, með tilheyrandi fjáröflunum á borð við fyrrnefnda þorskhnakkasölu. „Maður býr á Íslandi og spilar í íslensku deildinni, og hér eru engin atvinnumannalið. Það verða því allir að leggjast á árarnar og leggja sitt af mörkum, og það geri ég auðvitað með bros á vör.“ Með blóð á tönnunum í úrslitakeppnina Darri er sömuleiðis staðráðinn í að kveðja Hauka með bros á vör, eftir úrslitakeppnina í Olís-deildinni í vor: „Haukarnir fara á eftir öllum titlum á hverju einasta ári. Núna erum við í dauðafæri á að klára deildina, efstir þegar fimm leikir eru eftir, og svo eru allir með blóð á tönnunum og mjög graðir í að ná í Íslandsmeistaratitilinn, sérstaklega eftir að við töpuðum honum í fyrra. Það er líka ekkert skemmtilegra en að spila í úrslitakeppninni og ég hlakka mikið til að klára tímabilið vonandi með stæl.“
Olís-deild karla Haukar Franski handboltinn EM karla í handbolta 2022 Mest lesið Fann gamlan vin í leit sinni að nýju og breyttu lífi Körfubolti Njarðvík yfirgefur Ljónagryfjuna og fær nýjan heimavöll afhentan í sumar Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Mcllroy missti sigur úr greipum sér og DeChambeau vann opna bandaríska Sport Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn Vonarstjarna Bayern München framlengir við félagið Fótbolti Dagskráin í dag: Celtics geta orðið meistarar í kvöld Sport Bjarni lætur af störfum hjá KR Fótbolti Ísold stórbætti persónulegt met og varð Norðurlandameistari Sport Nablinn slakur í Boston sólinni eftir slæman skell í spilavítinu Körfubolti Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn