Undir lok fyrri hálfleiks fór Brandon Williams, leikmaður Norwich, fram hjá Eriksen áður en sá danski tók hann niður í kjölfarið. Williams var ekki skemmt og sagðist ætla að svara fyrir sig, þar til hann sá hver það var sem lá í grasinu með honum.
„Hann tók mig niður á meðan við vorum á leið í sókn. Ég snöggreiddist og ég ætlaði að halda honum niðri,“ sagði Brandon Williams, leikmaður Norwich í viðtali við Sky Sports.
🗣 "I was going to hold him then but then I know what he's been through. I felt like he needed a hug."
— Football Daily (@footballdaily) March 9, 2022
Brandon Williams says the moment that happened with Christian Eriksen was just instinct pic.twitter.com/GfEbW6JvoR
„Ég hef fylgst með öllu sem hann er búinn að ganga í gegnum og það er ótrúlegt að hann er kominn aftur á völlinn.“
Leikurinn gegn Norwich var fyrsti byrjunarliðsleikur Eriksen síðan hann dó í leik gegn Finnlandi á EM 2020.
„Það er mjög sérstakt fyrir hann að vera byrjaður að spila aftur, mér fannst þarna bara eins og honum vantaði faðmlag. Þetta voru bara einhver viðbrögð hjá mér og eitthvað sem mér fannst það rétta í stöðunni,“ sagði Brandon Williams, leikmaður Norwich.
