Innlent

Gata eða torg í Reykjavík verði kennd við Úkraínu eða Kænugarð

Kolbeinn Tumi Daðason skrifar
Rússneska sendiráðið stendur við Garðastræti vestan við miðbæinn í Reykjavík. Hópur fólks söng fyrir utan sendiráðið á dögunum.
Rússneska sendiráðið stendur við Garðastræti vestan við miðbæinn í Reykjavík. Hópur fólks söng fyrir utan sendiráðið á dögunum. Vísir/SigurjónÓ

Skipulags- og samgönguráð hefur falið nafnanefnd að gera tillögu að götu eða torgi í Reykjavík sem kennd væru við Úkraínu eða Kænugarð. Nefndinni er falið að koma með tillögur að mögulegum staðsetningum og nöfnum og skila þeim til skipulags- og samgönguráðs.

Eyþór Arnalds, borgarfulltrúi Sjálfstæðisflokksins, lagði til að nafnanefnd yrði falið að breyta nafni Garðastrætis í Kænugarðsstræti, eða finna annan viðeigandi stað eftir atvikum.

„Tengsl Íslands og Kænugarðs ná yfir þúsund ár eins og lesa má um í fornum ritum. Enn þann dag í dag eru talsverð viðskipti og menningarleg tengsl milli Íslands og Úkraínu. Í dag er hart sótt að Úkraínu og höfuðborg hennar. Það er því við hæfi að minnast Kænugarðs að fornu og nýju með því að nefna götu í Reykjavík Kænugarðsstræti,“ sagði í tillögu frá fulltrúa Sjálfstæðisflokksins.

Málið var tekið fyrir á fundi skipulags- og samgönguráðs í fundi og svohljóðandi tillaga lögð fram:

„Nafnanefnd er falið að gera tillögu að götu eða torgi í Reykjavík sem kennd væru við Úkraínu eða Kænugarð.“

Innrás Rússa í Úkraínu Úkraína Reykjavík Sendiráð á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið