Viðskipti innlent

Guide to Iceland skiptir um nafn

Kolbeinn Tumi Daðason skrifar
Ingólfur Abraham Shahin er stærsti eigandinn í Guide to Iceland með 46,25 prósenta eignarhlut.
Ingólfur Abraham Shahin er stærsti eigandinn í Guide to Iceland með 46,25 prósenta eignarhlut. Guide to Iceland

Ferðatæknifyrirtækið Guide to Iceland hefur breytt nafni sínu í Travelshift. Þetta kemur fram í tilkynningu.

Vörumerkið Guide to Iceland verður áfram nýtt til markaðssetningar og þjónustu við ferðamenn til Íslands. Auk Guide to Iceland, rekur félagið Guide to Europe og Guide to the Philippines.

Travelshift var stofnað árið 2012 og rekur meðal annars Guide to Iceland, markaðstorg sem er notað af yfir 1500 ferðaþjónustufyrirtækjum á Íslandi. Yfir milljón ferðamenn heimsækja vefsíðuna í hverjum mánuði.

„Nafnabreytingin er til marks um vaxandi umsvif fyrirtækisins erlendis. Við höfum verið að fjárfesta í spennandi verkefnum utan landsteinanna og eru þau þegar byrjuð að skila góðum árangri. Nafnið lýsir alþjóðlegri starfsemi okkar og þeirri nýstárlegu tækni sem við höfum þróað, ásamt því að höfða til erlendra fjárfesta,“ segir Jakob Ásmundsson, fjármálastjóri Travelshift.

Ferðamennska á Íslandi Tækni

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið