KA/Þór og Fram af öryggi í undanúrslit

Fyrr í dag tóku heimsóttu Framkonur B-deildarlið ÍR og er óhætt að segja að snemma hafi verið ljóst í hvað stefndi. Yfirburðir Framkvenna algjörir og unnu þær að lokum sextán marka sigur, 16-32.

Perla Ruth Albertsdóttir var markahæst Framkvenna með sex mörk.

Nú rétt í þessu lauk svo leik bikarmeistara KA/Þórs og HK en bæði lið leika í efstu deild.

Þrátt fyrir það var augljós getumunur á liðunum og tóku Norðankonur leikinn snemma í sínar hendur og unnu að lokum öruggan tíu marka sigur, 30-20. 

Rakel Sara Elvarsdóttir markahæst í liði KA/Þór með sjö mörk.