Handbolti

Ágúst Elí og félagar fjarlægjast fallsvæðið

Hjörtur Leó Guðjónsson skrifar
Ágúst Elí Björgvinsson og félagar unnu mikilvægan sigur í kvöld.
Ágúst Elí Björgvinsson og félagar unnu mikilvægan sigur í kvöld. EPA-EFE/DANIEL KOPATSCH

Ágúst Elí Björgvinsson og félagar hans í KIF Kolding unnu mikilvægan þriggja marka sigur er liðið tók á móti TMS Ringsted í dönsku úrvalsdeildinni í handbolta í kvöld. Lokatölur urðu 29-26 og Ágúst og félagar eru nú þremur stigum fyrir ofan fallsæti.

Heimamenn í Kolding voru með forystuna allt frá fyrstu mínútu og náðu mest sex marka forskoti í fyrri hálfleik. Liðið leiddi með fimm mörkum þegar gengið var til búningsherbergja, 19-14.

Svipaða sögu er að segja af síðari hálfleik. Heimamenn náðu mest níu marka forskoti og þrátt fyrir að gefa aðeins eftir undir lok leiks var sigurinn aldrei í hættu.

Lokatölur urðu eins og áður segir 29-26, en Ágúst Elí varði fjóra bolta í marki Kolding af þeim tólf skotum sem hann fékk á sig.

Kolding situr nú í ellefta sæti deildarinnar með tólf stig eftir átján leiki, einu stigi minna en Ringsted sit situr í níunda sæti.




Fleiri fréttir

Sjá meira


×