Handbolti

EM-ævintýrið í Pallborðinu: „Handbolti er og verður þjóðaríþróttin“

Kolbeinn Tumi Daðason skrifar
Ásgeir Örn Hallgrímsson, silfurverðlaunahafi frá Peking 2008, Guðjón Guðmundsson, sjálfur Gaupi, og Theodór Ingi Pálmason, handboltasérfræðingur og línukempa eru gestir Pallborðsins í dag.
Ásgeir Örn Hallgrímsson, silfurverðlaunahafi frá Peking 2008, Guðjón Guðmundsson, sjálfur Gaupi, og Theodór Ingi Pálmason, handboltasérfræðingur og línukempa eru gestir Pallborðsins í dag. vísir/vilhelm

Það dettur engum í hug að boða til fundar á milli klukkan 14 og 16 í dag. Ástæðan er einföld. Ísland mætir Króatíu á EM í handbolta klukkan 14:30 og stígur risaskref í átt að undanúrslitum með sigri.

Til þess þarf Ísland að skrifa nýjan kafla í íslenska handboltasögu því í sjö tilraunum hefur Íslandi ekki tekist að leggja Króata að velli á stórmóti.

Ásgeir Örn Hallgrímsson, silfurverðlaunahafi frá Peking 2008, Theodór Ingi Pálmason, handboltasérfræðingur og línukempa, og Guðjón Guðmundsson, sjálfur Gaupi, mæta í settið klukkan 13 í dag.

Hverjir eru möguleikar Íslands? Hvernig unnum við Frakka? Hvað er tvistur og þristur? Spurningum sem þessum og fleirum verður svarað í Pallborðinu á Vísi og Stöð 2 Vísi (stöð 5 hjá Vodafone, stöð 8 hjá Símanum) klukkan 13 í dag.

Þá verðum við í beinni úr íþróttahöllinni í Búdapest með Henry Birgi Gunnarssyni sem verður með nýjustu tíðindi af strákunum okkar.

Uppfært klukkan 14:20

Þættinum er lokið en farið var um víðan völl. Guðjón Guðmundsson minnti á að handbolti væri þjóðaríþrótt Íslendinga, sérfærðingarnir útskýrðu eins vel og þeir gátu skrýtnar reglur handboltans og auðvitað var spáð í spilin fyrir leikinn gegn Króötum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.