Handbolti

Teitur: Alls ekki orðnir saddir

Henry Birgir Gunnarsson skrifar
Teitur Örn hefur verið flottur á EM.
Teitur Örn hefur verið flottur á EM. vísir/getty

Selfyssingurinn Teitur Örn Einarsson hefur nýtt sínar mínútur á EM vel og kemur alltaf inn af miklum krafti.

„Við erum að lenda eftir Frakkaleikinn enda var hann ótrúlegur. Þvílíkt gaman hvað við náðum vel saman og baráttan þegar mest á reyndi,“ sagði Teitur fyrir æfingu liðsins í gær.

„Lykillinn að þessu hjá okkur er liðsheildin og menn þurfa að vera klárir. Við vitum að við erum að spila fyrir íslensku þjóðina og menn klæjar í að koma inn á. Menn ætla svo að nýta sénsinn þegar hann kemur. Þegar allir eru á sömu blaðsíðu þá gengur vel. Það er ólýsanlegt að fá að hlaupa inn á í íslensku treyjunni.“

Íslenska liðið á góðan möguleika á því að tryggja sinn inn í undanúrslit mótsins og þeir eru ekkert orðnir saddir.

„Alls ekki. Við erum í góðri stöðu núna og er undir okkur komið að halda rétt á spilunum og gera það mesta úr þessu. Það er ekkert klárt og margt getur enn gerst en við ætlum að fókusa bara á næsta leik.“

Klippa: Teitur er ekki orðinn saddur



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.