Frítíminn

Heimsviðburður í miðbænum

Arnar Sigurðsson og Elías Blöndal Guðjónsson skrifar
Arnar Sigurðsson og Elías Blöndal Guðjónsson.
Arnar Sigurðsson og Elías Blöndal Guðjónsson. VÍSIR/VILHELM

Þrátt fyrir hinar takmarkandi tilskipanir Sóttvarnastofnunar ríkisins halda stórhuga veitingamenn áfram að fjárfesta. Merkilegustu tíðindin í veitingahúsaflóru landsins er stækkun Fiskmarkaðarins í formi nýs vínbars á annarri hæð.

Óhætt er að segja að vel hafi tekist til hvort heldur er til umbúða (innréttinga) og innihalds (vínvals) því hér er sagt skilið við þá stefnu margra veitingastaða að þjóna víninnflytjendum í formi birgjasamninga. Þess í stað er lögð áhersla á upplifun viðskiptavina og verðlag er afar hóflegt svo ekki sé fastara að orðið kveðið. Nýi vínbarinn á Fiskmarkaðnum skipar sér nú í hóp með þeim veitingastöðum sem bjóða upp á besta vínúrval landsins þar sem fyrir er að finna Eiriksson Brasserie. 

Í fyrsta skipti í sögu matargerðarlistarinnar var ákveðið að para saman hákarl með Sauternes sætvíni frá Doisy Védrines.

Af mörgu er að taka og ættu allir að fá eitthvað við sitt hæfi, jafnt sauðsvartur almúginn sem og hinn jaðarsetti hópur auðmanna sem fáir sinna. Fyrir þann hóp mætti benda á til dæmis hóflega verðlögð kampavín frá Egly Ouriet og Pierre Peters. Rauðvínið Clos des Lambrays Grand Cru 2016 er selt á heildsöluverði miðað við nýjasta árgang af sama víni sem hækkað hefur talsvert undanfarið. Eins og gefur að skilja er mikið lagt upp úr hvítvínsúrvalinu með stórkostlegum vínum frá Etienne Sauzet, Fontaine Gagnard og Bachelet Monnot. Einnig má benda á að staðurinn býður talsvert úrval af gæðavínum í glasavís.

Þegar okkur bar að garði í upphafi þorra spratt upp í samtali við barþjóna staðarins sú hugmynd hvort ekki væru líkindi með gerjuðum blámygluostum og gerjuðum hákarli. Þrátt fyrir ítrekaða leit hefur aldrei fundist drykkur sem fer vel með hákarli þó svo að margir hafi látið íslenskt brennivín duga. Þótt hákarl sé nú ekki á matseðli staðarins reyndist hið þjóðlega gómsæti vera til staðar í húsinu.

Nýi vínbarinn á Fiskmarkaðnum skipar sér nú í hóp með þeim veitingastöðum sem bjóða upp á besta vínúrval landsins.

Í fyrsta skipti í sögu matargerðarlistarinnar var því ákveðið að para saman hákarl með Sauternes sætvíni frá Doisy Védrines sem kom afar vel út en gerir auðvitað kröfu á að hákarlinn höfði til braglauka viðkomandi til að byrja með. Heimsviðburður í miðbæ Reykjavíkur.

Ein merkilegustu tíðindin í veitingahúsaflóru landsins er stækkun Fiskmarkaðarins í formi nýs vínbars á annarri hæð.

Eigendur Santé eru annálaðir nautnaseggir. Þeir verða með óreglulegar innkomur á Innherja þar sem þeir munu fjalla sérstaklega um vín og mat.


Tengdar fréttir

Kaldur ostur er ekki svalur

Þorramatur Santé er gjörólíkur hinum vel þekktu réttum úr íslenskri sveit. Á borðinu hjá Santé á þorranum eru ekki lundabaggar, selshreifar, súr sundmagi eða bringukollar.

Eftirbragð sem varir lengur en trúin á eilíft líf

Þeir sem segja að peningar kaupi ekki hamingju, hafa einfaldlega ekki keypt sér hús á Ítalíu. Fótgönguliðar á vegum Sante lögðu nýlega land undir fót í leit að áhugaverðum vínum í Piemonte. Um héraðið má reyndar segja að þar er ansi margt áhugavert að finna fleira en vín því héðan koma frægustu trufflusveppir veraldar, oftar kenndir við bæinn Alba.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.