Handbolti

Lærisveinar Alfreðs tryggðu sér sigur í D-riðli

Hjörtur Leó Guðjónsson skrifar
Alfreð Gíslason og lærisveinar hans í þýska handboltalandsliðinu tryggðu sér sigur í D-riðli í kvöld.
Alfreð Gíslason og lærisveinar hans í þýska handboltalandsliðinu tryggðu sér sigur í D-riðli í kvöld. EPA-EFE/WU HONG

Á sama tíma og strákarnir okkar glímdu við Ungverja á EM í handbolta áttust Pólverjar og Þjóðverjar við í D-riðli. Þýsku strákarnir hans Alfreðs Gíslasonar tryggðu sér sigur í riðlinum með því að leggja Pólverja 30-23.

Nokkuð jafnræði var með liðunum í fyrri hálfleik, en Þjóðverjar virtust þó skrefinu á undan. Liðið náði mest þriggja marka forksoti, en munurinn var eitt til tvö mörk mest allan hálfleikinn. Þegar gengið var til búningsherbergja var staðan 15-12, Þjóðverjum í vil.

Þýska liðið byrjaði síðari hálfleikinn af miklum krafti og náði fljótt sex marka forystu. Þjóðverjar héldu því forskoti lengi vel og hleyptu Pólverjum í raun aldrei nógu nálægt sér til að sigurinn væri í einhverri raunverulegri hættu. Lokatölur urðu 30-23, og efsta sæti D-riðils því tryggt.

Þýska liðið tekur því tvö stig með sér í milliriðil tvö, en Pólverjar fylgja þeim án stiga.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.