Dómstóll í Myanmar hefur úrskurðað fyrrverandi leiðtoga landsins Aung San Suu Kyi í fjögurra ára fangelsi. Suu Kyi var meðal annars sakfelld fyrir að flytja inn og notast við ólöglegar talstöðvar og fyrir að brjóta gegn reglum í kórónuveirufaraldrinum.
Þetta er í annað sinn á skömmum tíma sem hún er dæmd til fangelsisvistar en í desember fékk hún tveggja ára dóm og á enn yfir höfði sér fleiri ákærur.
Suu Kyi hefur verið í haldi síðan í febrúar á síðasta ári, þegar herinn í Mjanmar tók þar öll völd.
Talið er að Suu Kyi gæti átt yfir höfði sér lífstíðarfangelsi verði hún fundin sek í öllum ákæruliðum. Málareksturinn gegn henni hefur víða verið fordæmdur og til að mynda hefur Michelle Bachelet, yfirmaður mannréttindamála hjá Sameinuðu þjóðunum, talað um sýndarréttarhöld.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
