Golf

Áritaði öll blöðin með forsíðumyndinni af sér á flugvellinum

Óskar Ófeigur Jónsson skrifar
Danielle Kang fann sér eitthvað að gera á JFK-flugvellinum á meðan hún beið eftir næsta flugi.
Danielle Kang fann sér eitthvað að gera á JFK-flugvellinum á meðan hún beið eftir næsta flugi. EPA/AHMAD YUSNI

Bandaríska golfkonan Danielle Kang var í forsíðuviðtali hjá golftímaritinu Golf Digest. Þegar hún sá blaðið með forsíðumyndinni af sér á ferð sinni um JFK-flugvöllinn þá tók hún óvænta ákvörðun.

Kang ákvað að gera Golf Digest blaðið aðeins eftirsóknarverðari fyrir aðdáendur sína með því að árita öll eintökin í sölurakkanun.

Þeir sem ætla að taka nýjasta Golf Digest blaðið með sér í flugið frá JFK-flugvellinum komast ekki hjá því að kaupa áritað eintak.

Kang tók upp myndband með því þegar hún áritaði blöðin og birti það á samfélagsmiðlum sínum eins og sjá má hér fyrir neðan.

„Ætti ég að gera þetta á öllum flugvöllunum sem ég fer á,“ spurði Danielle Kang 213 þúsund fylgjendur sína á Instagram.

Kang endaði árið í ellefta sæti heimslistans en hefur hæst komist í fjórða sætið. Hún vann sitt eina risamót á ferlinum þegar hún tryggði sér sigur á PGA meistaramótinu árið 2017.

Kang náði ekki að vinna mót á bandarísku PGA-mótaröðinni á síðasta ári en besti árangur hennar á risamóti í fyrra var fimmta sætið á PGA-meistaramótinu í júní.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.