Bonnesen ákærð fyrir gróf fjársvik og markaðsmisnotkun

Atli Ísleifsson skrifar 4. janúar 2022 13:33

Birgitte Bonnesen var forstjóri Swedbank á árunum 2016 til 2019. EPA

Efnahagsbrotadeild sænsku lögreglunnar hefur ákært hina dönsku Birgitte Bonnesen, fyrrverandi forstjóra Swedbank, fyrir gróf fjársvik og markaðsmisnotkun í tengslum við rannsókn á peningasvættisrannsókn sem tengir anga sína til Eistlands.

Sænskir fjölmiðlar greina frá ákærunni í dag, en brotin eiga að hafa átt sér stað á árunum 2018 til 2019. Bonnesen var forstjóri bankans á árunum 2016 til 2019.

Í ákæru segir að Bonnesen hafi dreift villandi uppýsingum, annað hvort að yfirlögðu ráði eða þá af stórkostlegu gáleysi, um aðgerðir bankans til að stöðva, fyrirbyggja og tilkynna um grun um peningaþvætti óprúttinna aðila í gegnum útibú Swedbank í Eistlandi á árunum 2007 til 2018.

Lögmaður Bonnesen segir að hún neiti sök í málinu.

Saksóknari lét gera húsleit í höfuðstöðvum Swedbank í tengslum við rannsóknina á vordögum 2019. Stjórn bankans rak um svipað leyti Bonnesen.

Peningaþvætti norrænna banka Svíþjóð Eistland

Tengdar fréttir

Forstjóri Swedbank rekinn í kjölfar húsleitar tengdri peningaþvætti

Ásakanir um peningaþvætti skekja sænska bankann. Yfirvöld létu gera húsleit í höfuðstöðvum hans í gærmorgun.

28. mars 2019 14:51

Stjórnarformaður Swedbank segir af sér vegna peningaþvættishneykslis

Talið er að tugi þúsunda milljarða króna hafi verið þvættaðar í gegnum sænska bankann Swedbank frá 2010 til 2016.

5. apríl 2019 07:38

Leitað á skrifstofum Swedbank í Eistlandi

Rannsókn á peningaþvættishneyksli heldur áfram.

2. apríl 2019 14:23

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.