Viðskipti erlent

CES 2022: Nýjustu tæki og tól til sýnis

Samúel Karl Ólason skrifar
Frá CES 2020. Fólki hefur aftur verið boðið að mæta til Las Vegast til að taka þátt þetta árið en þrátt fyrir það hafa fjölmörg fyrirtæki tilkynnt að þau muni halda fjarsýningar.
Frá CES 2020. Fólki hefur aftur verið boðið að mæta til Las Vegast til að taka þátt þetta árið en þrátt fyrir það hafa fjölmörg fyrirtæki tilkynnt að þau muni halda fjarsýningar. AP/John Locher

Consumer Electronic Show eða CES, ein vinsælasta tæknisýning heimsins, hefst formlega í Las Vegas á fimmtudaginn. Sýningin virðist þó ætla að vera með nokkuð minna sniði en oft áður og mörg fyrirtæki kynna vörur sínar og tækni á netinu.

Á CES njóta sjónvörp og tölvur yfirleitt mikillar athygli og virðist sem sýningin í ár verði engin undantekning þar. Auk risanna sem þar sýna burði sína kynna forsvarsmenn smærri fyrirtækja einnig starfsemi sína, hugmyndir og tækni og reyna að laða að fjárfesta.

Þannig líta oft óhefðbundnar og jafnvel undarlegar vörur dagsins ljós á CES.

Sjá einnig: Bestu tækin sem við þurfum ekki á að halda

Þó ráðstefnan hefjist formlega á fimmtudaginn er dagskráin þegar hafin.

Samsung og LG kynna ný sjónvörp og tölvuskjái á CES2022. Kynning Samsung varðandi tölvuleikjaspilun hefur þegar vakið athygli en ný sjónvörp og skjáir frá fyrirtækinu munu gera notendum kleift að spila tölvuleiki í gegnum skýjaþjónustur á borð við Nvidia GeForce Now og Google Stadia.

Þá munu sjónvörpin einnig tengjast nýjustu kynslóð leikjatölva, samkvæmt frétt The Verge.

Í dag munu fjölmörg fyrirtæki halda kynningar. Þau eru AMD, LG, Nvidia, Hisense, Intel, Qualcomm, Sony, TCL og Samsung. Hægt verður að fylgjast með mörgum þeirra kynninga á Youtube-síðu CES2022.

Tækni Bandaríkin


Mest lesið


Fleiri fréttir

Sjá meira


×

Mest lesið