Klinkið

Fyrrum liðsmenn Samtaka iðnaðarins á þingi tókust á

Ritstjórn Innherja skrifar
Guðrún Hafsteinsdóttir og Jón Steindór Valdimarsson.
Guðrún Hafsteinsdóttir og Jón Steindór Valdimarsson.

Áhugavert var að sjá í atkvæðagreiðslu á Alþingi milli jóla og nýárs að fyrrum framkvæmdastjóri Samtaka iðnaðarins, Jón Steindór Valdimarsson varaþingmaður Viðreisnar kaus gegn áframhaldi á Allir vinna, eins stærsta hagsmunamáls iðnaðarins þessi dægrin.

Verkefnið felur í sér hækkun á endurgreiðslu virðisaukaskatts af ákveðinni byggingarvinnu og er eins og gefur að skilja mikið hagsmunamál ýmissa verktaka, iðnaðarmanna, sveitarfélaga og ekki síður heimila í landinu. Endurgreiðslan var í 60 prósentum en með tilkomu úrræðisins Allir vinna, er allur virðisaukaskattur endurgreiddur af ákveðinni byggingarvinnu. Verkefninu var komið á sem viðspyrnuaðgerð í heimsfaraldrinum.

Það var annar fyrrum liðsmaður SI sem lagði framhald málsins til, en sú er formaður efnahags- og viðskiptanefndar og verðandi dómsmálaráðherra, Guðrún Hafsteinsdóttir. Hún var áður formaður stjórnar samtakanna.


Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.


Innherji er nýr sjálfstæður áskriftarmiðill innan Vísis sem mun einkum beina kastljósinu að viðskiptalífinu, efnahagsmálum og stjórnmálum. Fyrst um sinn verður efnið endurgjaldslaust og aðgengilegt öllum á Vísi en með tímanum verður einungis hægt að nálgast Innherja gegn greiðslu. Áhersla er lögð á vandaðar fréttir, fréttaskýringar, viðtöl og hlaðvörp auk þess sem Innherja er ætlaður að vera vettvangur skoðanaskipta fólks úr atvinnulífinu og stjórnmálum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.