Margfaldur Íslandsmeistari endaði á sjúkrahúsi um jólin með óútskýrða verki Sindri Sverrisson skrifar 4. janúar 2022 08:01 María Guðmundsdóttir á spítalanum með eiginmanni sínum, Ryan. Hún var landsliðskona í alpagreinum til margra ára, vann til fjölda Íslandsmeistaratitla. Úr einkasafni/EPA „Ég er ennþá með mikla ógleði og verki, og verð í frekari rannsóknum alla þessa viku,“ segir María Guðmundsdóttir Toney, fyrrverandi landsliðskona á skíðum, sem endaði á sjúkrahúsi á aðfangadag. María er búsett í Bandaríkjunum en dvelur nú á sjúkrahúsi á Íslandi eftir að hafa hreinlega neyðst til þess að hætta ferð sinni heim yfir Atlantshafið úr jólafríi í Noregi. Á ferð sinni frá Lillehammer til Keflavíkur hafði hún fundið fyrir gríðarlegum magaverkjum, og meðal annars ælt tvisvar, en rétt svo haft það af að komast í gegnum flugið með hjálp flugfreyja og eiginmanns síns. Í stað þess að halda áfram í átta klukkutíma tengiflug til Bandaríkjanna varð María að komast undir læknishendur: „Þegar við Ryan [Toney, eiginmaður Maríu] komum til Íslands þá viðurkenndi ég það loksins. Það var ekki séns að ég gæti farið í annað flug sem átti auk þess að taka átta klukkutíma. Ég vissi að ég gæti það ekki. Ryan ók mér um á flugvellinum og ég fór svo með sjúkrabíl á spítalann,“ skrifar María í færslu á bloggsíðu sinni. „Um leið og fundinum með lækninum lauk þá hágrét ég“ María, sem er 28 ára gömul, er margfaldur Íslandsmeistari í alpagreinum. Hún lagði hins vegar skíðin á hilluna fyrir fjórum árum eftir þráláta glímu við meiðsli. Hún býr nú í Oregon í Bandaríkjunum og fór þar að finna fyrir óútskýrðum verkjum í kvið í haust. Í fyrstu taldi hún verkina tengjast því að hún hafði nýverið hætt að nota getnaðarvarnapillu, eða þá jafnvel að hún væri strax orðin ólétt en óléttupróf sýndu að svo væri ekki. María frestaði því að fara til læknis en í byrjun desember fóru verkirnir að aukast og ljóst varð að eitthvað þyrfti að gera. Við skoðun kom í ljós að hún væri með tvöfalt stærra milta en gengur og gerist, en ekki liggur enn fyrir hvað orsakar það. Læknir hennar í Bandaríkjunum taldi þó líklegast að ástæðan fyrir veikindum Maríu væri eitilfrumukrabbamein. Skýringin á veikindunum er hins vegar enn ófundin. „Þetta var örugglega það hrikalegasta sem að ég hef heyrt! Og nokkuð sem að ég bjóst engan veginn við! Ég grét ekki [þegar hún ræddi við lækninn] en trúið mér, um leið og fundinum með lækninum lauk þá hágrét ég! Ég var ótrúlega hrædd og gat bara ekki trúað þessu,“ skrifar María, sem er þakklát fyrir að hafa haft vinkonur sínar með sér og Ryan, sem þá var kominn til Evrópu, í símanum. María og Ryan eiginmaður hennar áttu góða jóladaga í Noregi þrátt fyrir veikindin.Úr einkasafni María fékk leyfi til að fara til Noregs til að hitta eiginmann sinn og fjölskyldu sína, og vera með þeim yfir jólin. Hún naut þess að geta verið með sínum nánustu en svo fóru verkirnir að aukast. „Á aðfangadag endaði ég á bráðamóttökunni í Noregi vegna aukinna verkja í kvið. Ég óttaðist að miltað hefði stækkað meira og mögulega rofnað, svo ég lagðist inn. Ég var í átta klukkutíma á spítalanum án þess að nokkuð kæmi í ljós annað en að miltað mitt væri risavaxið! Það jákvæða var þó að það hafði ekki rofnað eða stækkað, og var enn 22 sentímetrar, sem var hughreystandi,“ skrifar María sem náði að komast heim rétt áður en jólamaturinn var snæddur. „Ótrúlega reið“ eftir stutt stopp á sjúkrahúsi í Reykjanesbæ Þann 28. desember ætluðu þau Ryan svo að fljúga heim til Bandaríkjanna en eins og fyrr segir lauk því erfiða ferðalagi á Íslandi. Það var hreinasta martröð fyrir Maríu að reyna að ferðast frá Lillehammer til Bandaríkjanna. Hún hafði endað á gjörgæsludeild í Noregi fyrir ferðina og var svo flutt með sjúkrabíl af Keflavíkurflugvelli í stað þess að taka tengiflug áfram yfir hafið.Úr einkasafni María segist hafa fengið skelfilega umönnun á sjúkrahúsinu í Reykjanesbæ þar sem læknir hafi rétt þreifað á kvið hennar og svo ákveðið að senda hana heim. „Ég var alveg ótrúlega reið!“ skrifar María sem þakkaði fyrir að geta leitað til fjölskyldumeðlima. Um nóttina urðu verkirnir aftur svo miklir að hún leitaði aftur á sjúkrahús, í þetta sinn í Reykjavík, og þar dvelur hún enn og ber starfsfólkinu afar vel söguna. Óvissan er hins vegar nagandi og María verður í rannsóknum næstu daga í von um skýringar á veikindum hennar. „Það er einhvern veginn allt í lausu lofti og biðin er mjög ógnvekjandi. En ég tek einn dag í einu og vonast til að fá einhver svör bráðlega. Það er mögulegt að miltað verði fjarlægt, sem er ansi stórt! En þeir vilja útiloka allt annað áður en til þess kemur,“ skrifar María sem veitti Vísi góðfúslegt leyfi til að vísa í skrif hennar. Bloggfærslu Maríu má lesa í heild sinni hér. Skíðaíþróttir Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Í beinni: Keflavík - Grindavík | Geta Keflvíkingar bitið frá sér án Remy? Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Bakgarðshlaupið í beinni útsendingu Sjá meira
María er búsett í Bandaríkjunum en dvelur nú á sjúkrahúsi á Íslandi eftir að hafa hreinlega neyðst til þess að hætta ferð sinni heim yfir Atlantshafið úr jólafríi í Noregi. Á ferð sinni frá Lillehammer til Keflavíkur hafði hún fundið fyrir gríðarlegum magaverkjum, og meðal annars ælt tvisvar, en rétt svo haft það af að komast í gegnum flugið með hjálp flugfreyja og eiginmanns síns. Í stað þess að halda áfram í átta klukkutíma tengiflug til Bandaríkjanna varð María að komast undir læknishendur: „Þegar við Ryan [Toney, eiginmaður Maríu] komum til Íslands þá viðurkenndi ég það loksins. Það var ekki séns að ég gæti farið í annað flug sem átti auk þess að taka átta klukkutíma. Ég vissi að ég gæti það ekki. Ryan ók mér um á flugvellinum og ég fór svo með sjúkrabíl á spítalann,“ skrifar María í færslu á bloggsíðu sinni. „Um leið og fundinum með lækninum lauk þá hágrét ég“ María, sem er 28 ára gömul, er margfaldur Íslandsmeistari í alpagreinum. Hún lagði hins vegar skíðin á hilluna fyrir fjórum árum eftir þráláta glímu við meiðsli. Hún býr nú í Oregon í Bandaríkjunum og fór þar að finna fyrir óútskýrðum verkjum í kvið í haust. Í fyrstu taldi hún verkina tengjast því að hún hafði nýverið hætt að nota getnaðarvarnapillu, eða þá jafnvel að hún væri strax orðin ólétt en óléttupróf sýndu að svo væri ekki. María frestaði því að fara til læknis en í byrjun desember fóru verkirnir að aukast og ljóst varð að eitthvað þyrfti að gera. Við skoðun kom í ljós að hún væri með tvöfalt stærra milta en gengur og gerist, en ekki liggur enn fyrir hvað orsakar það. Læknir hennar í Bandaríkjunum taldi þó líklegast að ástæðan fyrir veikindum Maríu væri eitilfrumukrabbamein. Skýringin á veikindunum er hins vegar enn ófundin. „Þetta var örugglega það hrikalegasta sem að ég hef heyrt! Og nokkuð sem að ég bjóst engan veginn við! Ég grét ekki [þegar hún ræddi við lækninn] en trúið mér, um leið og fundinum með lækninum lauk þá hágrét ég! Ég var ótrúlega hrædd og gat bara ekki trúað þessu,“ skrifar María, sem er þakklát fyrir að hafa haft vinkonur sínar með sér og Ryan, sem þá var kominn til Evrópu, í símanum. María og Ryan eiginmaður hennar áttu góða jóladaga í Noregi þrátt fyrir veikindin.Úr einkasafni María fékk leyfi til að fara til Noregs til að hitta eiginmann sinn og fjölskyldu sína, og vera með þeim yfir jólin. Hún naut þess að geta verið með sínum nánustu en svo fóru verkirnir að aukast. „Á aðfangadag endaði ég á bráðamóttökunni í Noregi vegna aukinna verkja í kvið. Ég óttaðist að miltað hefði stækkað meira og mögulega rofnað, svo ég lagðist inn. Ég var í átta klukkutíma á spítalanum án þess að nokkuð kæmi í ljós annað en að miltað mitt væri risavaxið! Það jákvæða var þó að það hafði ekki rofnað eða stækkað, og var enn 22 sentímetrar, sem var hughreystandi,“ skrifar María sem náði að komast heim rétt áður en jólamaturinn var snæddur. „Ótrúlega reið“ eftir stutt stopp á sjúkrahúsi í Reykjanesbæ Þann 28. desember ætluðu þau Ryan svo að fljúga heim til Bandaríkjanna en eins og fyrr segir lauk því erfiða ferðalagi á Íslandi. Það var hreinasta martröð fyrir Maríu að reyna að ferðast frá Lillehammer til Bandaríkjanna. Hún hafði endað á gjörgæsludeild í Noregi fyrir ferðina og var svo flutt með sjúkrabíl af Keflavíkurflugvelli í stað þess að taka tengiflug áfram yfir hafið.Úr einkasafni María segist hafa fengið skelfilega umönnun á sjúkrahúsinu í Reykjanesbæ þar sem læknir hafi rétt þreifað á kvið hennar og svo ákveðið að senda hana heim. „Ég var alveg ótrúlega reið!“ skrifar María sem þakkaði fyrir að geta leitað til fjölskyldumeðlima. Um nóttina urðu verkirnir aftur svo miklir að hún leitaði aftur á sjúkrahús, í þetta sinn í Reykjavík, og þar dvelur hún enn og ber starfsfólkinu afar vel söguna. Óvissan er hins vegar nagandi og María verður í rannsóknum næstu daga í von um skýringar á veikindum hennar. „Það er einhvern veginn allt í lausu lofti og biðin er mjög ógnvekjandi. En ég tek einn dag í einu og vonast til að fá einhver svör bráðlega. Það er mögulegt að miltað verði fjarlægt, sem er ansi stórt! En þeir vilja útiloka allt annað áður en til þess kemur,“ skrifar María sem veitti Vísi góðfúslegt leyfi til að vísa í skrif hennar. Bloggfærslu Maríu má lesa í heild sinni hér.
Skíðaíþróttir Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Í beinni: Keflavík - Grindavík | Geta Keflvíkingar bitið frá sér án Remy? Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Bakgarðshlaupið í beinni útsendingu Sjá meira