Heilsa

Ekki raunhæft að vakna sem einhver annar 1. janúar

Sylvía Rut Sigfúsdóttir skrifar
Arna Vilhjálmsdóttir ræddi áramótaheit í Bítinu á Bylgjunni í dag.
Arna Vilhjálmsdóttir ræddi áramótaheit í Bítinu á Bylgjunni í dag. Instagram/ArnaVilhjálmsdóttir

„Ég held að ég hafi gert það fyrsta janúar öll árin í lífi mínu, það átti bara eitthvað að kvikna og ég átti bara að vera geggjuð. Árið átti að vera besta árið mitt og ég ætlaði bara að sigra allt en ég var ekki með neina leið til að gera það.“

Þetta sagði Arna Vilhjálmsdóttir, einkaþjálfari og áhrifavaldur, um áramótaheit í Bítinu á Bylgjunni í dag. Hún segir mikilvægt að horfa á áramótaheit eins og önnur markmið. Nauðsynlegt sé að vita hvernig maður ætlar að ná þeim, skrifa það niður og fylgja þessu svo eftir.

„Það er alls ekki raunhæft að vakna og halda að þú vaknir sem einhver annar,“ segir Arna um óraunhæfar kröfur fólks til breytinga í byrjun nýs árs. Oft setur fólk sér há markmið um þyngdartap eða breytt mataræði, þrátt fyrir að langa kannski ekkert að stefna að því.

Gott að flokka markmiðin

„Þetta snýst yfirleitt um að vera betri útgáfa af sjálfri sér og við höfum alltaf talið að vera betri útgáfa af sjálfri sér sé að missa kíló.“

Að mati Örnu er besta leiðin að byrja á því að skrifa markmiðin eða áramótaheitin niður. 

„Þá getur verið mjög gott að flokka þau niður í stór og lítil markmið, því þú kemst ekkert að stóru markmiðunum nema þú bútir þau niður og gangir að litlu markmiðunum fyrst.“

Arna segir einnig mikilvægt að stefna að þessu fyrir sjálfan sig en ekki aðra, óháð utanaðkomandi þrýstingi.

„Hvað langar mig að gera? Hvert langar mig að fara? Ég ætla að setja það niður á blað og sjá hvað gerist.“

Svo er sniðugt að verðlauna sig eftir að litlum markmiðum er náð, það er hvetjandi og skemmtilegt og minnir fólk á því að það er að taka skref í rétta átt. 

Viðtalið má heyra í heild sinni í spilaranum hér fyrir neðan.


Tengdar fréttir

Stjörnulífið: „Þvílíkt f-ing ár“

Íslendingar kvöddu árið 2021 um helgina og tóku fagnandi á móti 2022. Bjartsýni og þakklæti einkennir samfélagsmiðla þessa dagana, enda var síðasta ár mörgum erfitt.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.