Guðmundur frá Arion banka til VÍS

Atli Ísleifsson skrifar 9. desember 2021 11:08

Guðmundur Ólafsson hefur verið ráðinn sem nýr forstöðumaður fyrirtækjaráðgjafar hjá VÍS.

Í tilkynningu segir að hann búi yfir víðtækri þekkingu á atvinnulífinu ásamt fjölbreyttri stjórnendareynslu úr ólíkum geirum. Síðast hafi hann starfað hjá Arion banka þar sem hann hefur gegnt ýmsum stjórnendastörfum undanfarin fjórtán ár eða frá árinu 2007.

„Má þar helst nefna viðskipta- og vörustjóri Arion Premía, forstöðumaður fyrirtækjatorgs, forstöðumaður rekstrar og þjónustu á fyrirtækjasviði, svæðisstjóri á Norðausturlandi sem og útibússtjóri bankans á Egilsstöðum.

Guðmundur sat einnig í bæjarstjórn Fljótsdalshéraðs, var framkvæmdastjóri Héraðs- og Austurlandsskóga og var sölu- og rekstrarstjóri auglýsingadeildar Norðurljósa sem nú heitir Vodafone.

Guðmundur er með MBA gráðu í stjórnun með áherslu á stafræn viðskipti frá Zigurat Innovation and Technology Business School og Universitat de Barcelona. Hann er einnig með próf í rekstrarfræði frá Viðskiptaháskólanum á Bifröst. Hann er jafnframt markþjálfi (e. executive coaching) og með löggildingu í verðbréfamiðlun frá Háskólanum í Reykjavík. Guðmundur hefur nú þegar hafið störf hjá VÍS,“ segir í tilkynningunni.

Vistaskipti Íslenskir bankar Tryggingar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.