Enski boltinn

Enska úrvalsdeildin mun notast við munnvatnspróf til að greina heilahristing

Hjörtur Leó Guðjónsson skrifar
Enska úrvalsdeildin mun notast við munnvatnspróf, sérstaklega hannað til að greina heilahristing, á næstu leiktíð.
Enska úrvalsdeildin mun notast við munnvatnspróf, sérstaklega hannað til að greina heilahristing, á næstu leiktíð. Vísir/Getty

Enska úrvalsdeildin í knattspyrnu mun á næsta tímabili notast við munnvatnspróf sérstaklega hannað til að greina heilahristing meðal leikmanna. Prófið verður til reynslu fyrst um sinn og er liður í því að vinna gegn heilabilun og bæta andlega heilsu leikmanna.

Sameiginleg aðgerðaráætlun ensku úrvalsdeildarinnar, enska knattspyrnusambandsins, félags neðri deilda Englands og leikmannasamtaka landsins byggir á því að vernda leikmenn deildanna gegn heilahristingi og afleiðingum hans, sem og að komast að því hvers vegna aukin hætta er á taugahrörnunarsjúkdómum meðal atvinnumanna í fótbolta miðað við hinn almenna borgara.

Maheta Molango, framkvæmdarstjóri leikmannasamtaka Englands, sagði í samtali við Sky Sports að þetta væri sönnun þess að knattspyrnusamfélagið geri sér grein fyrir hættunni sem geti fylgt heilahristingi, þ.e. heilabilun eða CTE (Chronic Traumatic Encephalopathy, í. langvinnra heilakvilla).

„Ég held að knattspyrnusamfélagið sé búið að gera sér grein fyrir því að þetta er málefni sem snertir okkur öll,“ sagði Molango. „Við þurfum öll að taka á þessu og allir hagsmunaaðilar þurfa að skilja sitt hlutverk þegar kemur að því að berjast gegn þessum hræðilega sjúkdómi.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.