Fótbolti

Þýska lögreglan rannsakar ummæli Bellingham eftir leik Dortmund og Bayern

Hjörtur Leó Guðjónsson skrifar
Jude Bellingham gæti hafa komið sér í vandræði með ummælum sínum eftir leik Dortmund og Bayern.
Jude Bellingham gæti hafa komið sér í vandræði með ummælum sínum eftir leik Dortmund og Bayern. Alex Gottschalk/DeFodi Images via Getty Images

Lögreglan í þýskalandi rannsakar nú ummæli Jude Bellingham, leikmanns Borussia Dortmund, sem hann lét falla um dómara leiksins eftir 3-2 tap liðsins gegn Bayern München í þýsku úrvalsdeildinni um liðna helgi.

Bellingham lét dómara leiksins, Felix Zwayer, heyra það í viðtali eftir leik þar sem hann meðal annars sagði að sér þætti það skrítið að dómari sem hafi áður svindlað sé settur á stærsta leik ársins í þýskalandi.

Samkvæmt heimildum Sky Sports hefur þýska lögreglan nú hafið rannsókn á ummælum Bellingham, en leikmaðurinn var að vitna í atvik frá árinu 2005 þar sem Zwayer var settur í mánaðarlangt bann af þýska knattspyrnusambandinu eftir að upp komst um hagræðingu úrslita. 

Málið hefur verið sent áfram á saksóknara í Dortmund sem mun taka ákvörðun um það hvort að ákæra á hendur Bellingham verði lögð fram. Búist er við því að ákvörðun um það verði tekin síðar í vikunni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.