Fótbolti

Juventus með öruggan sigur | Venezia henti frá sér þriggja marka for­ystu

Runólfur Trausti Þórhallsson skrifar
Dybala skoraði síðara mark Juventus í kvöld.
Dybala skoraði síðara mark Juventus í kvöld. EPA-EFE/ALESSANDRO DI MARCO

Juventus vann 2-0 sigur á Genoa í lokaleik dagsins í Serie A, ítölsku úrvalsdeildarinnar í knattspyrnu. Fyrr í dag henti Íslendingalið Venezia frá sér þriggja marka forystu er liðið tapaði 3-4 á heimavelli.

Juan Cuadrado kom Juvetnus yfir snemma leiks gegn Genoa, staðan 1-0 í hálfleik. Paulo Dybala tvöfaldaði forystuna undir lok leiks og lauk leiknum með 2-0 sigri Juventus.

Liðið lyftir sér þar með upp í 5. sæti deildarinnar með 27 stig, 11 stigum minna en topplið AC Milan.

Bjarki Steinn Bjarkason sat á bekknum hjá Venezia er liðið komst 3-0 yfir gegn Verona þökk sé mörkum Pietro Ceccaroni, Domen Crnigoj og Thomas Henry.

Í síðari hálfleik bitu gestirnir frá sér. Henry skoraði sjálfsmark og Ceccaroni fékk rautt spjald áður en Gianluca Caprari minnkaði muninn í 3-2. Hinn sjóðandi heiti Giovanni Simeone skoraði svo tvívegis og tryggði Verona 4-3 sigur.

Mikið var skorað á Ítalíu í dag en Fiorentina vann Bologna 3-2, Lazio vann Sampdoria 3-1 og þá gerðu Spezia og Sassuolo 2-2 jafntefli.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.