Viðskipti innlent

Óttast ekki sam­keppni þriggja nýrra mat­halla á nánast sama blettinum

Kristín Ólafsdóttir skrifar
Árni Traustason er rekstrarstjóri nýrrar Mathallar Reykjavíkur.
Árni Traustason er rekstrarstjóri nýrrar Mathallar Reykjavíkur. Vísir/Arnar

Þrjár mathallir verða opnaðar á litlum bletti í miðbæ Reykjavíkur á næsta ári. Rekstrarstjóri þeirrar stærstu segir framkvæmdir skotganga og óttast ekki samkeppni.

Sannkallað mathallaæði hefur gripið landann á síðustu árum en þær hafa sprottið upp ein af annarri eftir að sú fyrsta var opnuð á Hlemmi 2017. Þó að raunar megi færa rök fyrir því að Stjörnutorg hafi verið fyrsta mathöllin.

Í kvöldfrétt Stöðvar 2 hér fyrir neðan má sjá staðsetningar og húsakynni nýju mathallanna þriggja.

Mathallirnar þrjár

En þetta þykir greinilega viðskiptamódel sem virkar. Það bætir nefnilega verulega í mathallaflóruna í miðbænum strax á næsta ári. Á Vesturgötu 2, þar sem Kaffi Reykjavík var áður til húsa, verður opnuð mathöll um páskaleytið. 

Allt að gerast á annarri hæð mathallarinnar við Vesturgötu.Vísir/Arnar

Og rétt rúmum 200 metrum frá, í Pósthússtræti 3-5 þar sem Hitt húsið var síðast með starfsemi, á einnig að opna mathöll - 1. júní. Hún verður „glæsilegasta mathöll landsins“, að sögn Leifs Welding, eins rekstraraðila. Höllin í Pósthússtræti mun státa af átta veitingastöðum og kokteilbar.

Þá á að stækka Hafnartorg en í rými austan megin Geirsgötu opnar þriðja mathöllin í mars. Tinna Jóhannsdóttir markaðsstjóri hjá fasteignafélaginu Regin segir í svari til fréttastofu að í rými á jarðhæð íbúðarhúsanna verði um fjórtán rekstraraðilar í smásölu, bæði með fatnað og húsbúnað. Þá verði þar mathöll með 8-9 „fjölbreyttum einingum“ en einnig verði opnaður sér  veitingastaður sem snýr að höfninni.

Partí, líf og fjör

Húsnæðið á Vesturgötu, sem hýsa mun Mathöll Reykjavíkur, er 1800 fermetrar á þremur hæðum. Framkvæmdir eru í fullum gangi en stefnt er á að opna í apríl.

„Sem er náttúrulega geggjaður tími ef omíkron fer ekki að stríða okkur meira. Þannig að já, ég held það verði bara partí og líf og fjör. Nýtt útisvæði hérna fyrir framan, og svo svalir og nýtt port hérna fyrir aftan okkur,“ segir Árni Traustason, rekstrarstjóri Mathallar Reykjavíkur við Vesturgötu.

Teikning af fyrstu hæð Mathallar Reykjavíkur. Átta básar eru fyrirhugaðir á hæðinni og þá verður komið upp glænýju útisvæði fyrir framan húsið, Ingólfstorgsmegin.

Gert er ráð fyrir átta básum á fyrstu hæðinni og sex básum á hæðinni fyrir ofan. Þar með verður þessi mathöll sú stærsta í Reykjavík, og reyndar á öllu Íslandi.

„Svo mun þriðja hæðin vera undir veislusali, sem fólk getur nýtt sér til að leigja út fyrir partí og alls konar,“ segir Árni.

Dæmi um bás sem fyrirhugað er að opni í mathöllinni.

Matsölustaðir í höllinni verða af ýmsum toga. Ekki hefur þó enn náðst að fylla alla básana.

„Við erum bara að vinna í því að púsla saman, þetta verður bara jólapúslið í ár,“ segir Árni.

Ekkert stressaður

Í Reykjavík eru fyrir fimm mathallir, þar af tvær í póstnúmeri 101; á Hlemmi og úti á Granda. Nýju mathallirnar, einnig í 101, eru staðsettar á milli þeirra - allar þrjár á um 0,06 ferkílómetra bletti.

Eruði ekkert stressaðir yfir samkeppninni?

„Nei, í rauninni ekki. Við fögnum allri samkeppni og við viljum bara fá sem flesta í miðbæinn og með því að hafa þrjár mathallir, það mun bara gera gott fyrir alla.“


Tengdar fréttir

Mathöll, bar, hótel og fleira í Gróðurhúsinu í Hveragerði

Mikil uppbygging er í kortunum í Hveragerði en þar verður nýr áfangastaður sem ber nafnið Gróðurhúsið opnaður í sumar. Þar verður hótel, verslanir, mathöll, kaffihús, bar, ísbúð, sælkeraverslun og annars konar þjónusta í boði fyrir heimamenn og innlenda og erlenda ferðamenn.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,54
93
480.650
BRIM
0,66
6
85.234
ISB
0,65
24
18.425
SKEL
0,65
3
46.782
REGINN
0,61
2
10.007

Mesta lækkun dagsins


Félag
Br.%
Fjöldi
Velta*
HAGA
-0,7
2
36.979
EIM
-0,69
5
2.865
SJOVA
-0,53
3
27.749
MAREL
-0,49
33
449.126
FESTI
-0,43
3
33.448
Velkomin á Vísi. Þessi vefur notar vafrakökur. Sjá nánar.