Handbolti

Teitur og félagar með þrjá sigra í röð

Hjörtur Leó Guðjónsson skrifar
Teitur Örn Einarsson og félagar hans í Flensburg hafa nú unnið þrjá leiki í röð í Meistaradeildinni.
Teitur Örn Einarsson og félagar hans í Flensburg hafa nú unnið þrjá leiki í röð í Meistaradeildinni. Axel Heimken/picture alliance via Getty Images

Teitur Örn Einarsson og félagar hans í þýska liðinu Flensburg unnu sinn þriðja Meistaradeildarleik í röð er liðið heimsótti Dinamo Búkarest í B-riðli í kvöld, 28-20.

Mikið jafnræði var með liðunum í fyrri hálfleik og munurinn á liðunum varð alrei meiri en tvö mörk. Teitur og félagar höfðu frumkvæðið fyrri hluta hálfleiksins, en voru svo að elta seinni hlutann. Þegar gengið var til búningsherbergja var allt jafnt, 13-13.

Eftir örfáar mínútur af því sama í seinni hálfleik tóku Teitur og félagar öll völd á vellinum og skoruðu sex mörk í röð. Eftir það var ekki aftur snúið og gestirnir í Flensburg unnu öruggan átta marka sigur, 28-20.

Teitur Örn skoraði fjögur mörk fyrir Flensburg, en liðið er nú með sjö stig í fjórða sæti riðilsins, líkt og PSG. Dinamo Búkarest situr hins vegar í neðsta sæti riðilsins með fjögur stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.