Stöð 2 Sport

Subway Körfuboltakvöld kvenna er á dagskrá klukkan 17:00 áður en Haukar taka á móti Tarbes GB í Evrópukeppninni í kvennakörfu klukkan 19:20.

Klukkan 21:30 er svo leikur Dallas Cowboys og Las Vegar Raiders á dagskrá í NFL-deildinni í amerískum fótbolta.

Stöð 2 Sport 2

Klukkan 17:35 mætir Íslendingaliðið FC Kaupmannahöfn í heimsókn til Gíbraltar þar sem Lincoln Red Imps bíða þeirra í Sambandsdeild Evrópu áður en Leicester tekur á móti Legia Varsjá í Evrópudeildinni klukkan 19:50.

NFL-deildin í amerískum fótbolta leiðir okkur svo inn í nóttina þegar New Orleans Saints og Buffalo Bills eigast við klukkan 01:20.

Stöð 2 Sport 3

Klukkan 17:35 eigar Lokomotiv Moskva og Lazio við í Evrópudeildinni áður en Alfons Sampsted og félagar hans í Bodö/Glimt taka á móti Sofia í Sambandsdeildinni klukkan 19:50.

Stöð 2 Sport 4

Golfið fær að troða sér með Evrópuleikjunum í fótbolta, en klukkan 10:00 hefst útsending frá Joburg Open.

Seinni partinn eru svo tveir leikir í Evrópudeildinni á dagskrá, annars vegar viðureign Leverkusen og Celtic klukkan 17:35, og hinsvegar viðureign Rangers og Sparta Prag klukkan 19:50.

Stöð 2 Golf

Andalucia Costa del Sol Open de Espana Femenino er á dagksrá klukkan 13:30 á Stöð 2 Golf, en það er hluti af LET-mótaröðinni.

Stöð 2 eSport

Steindi Jr. og félagar fylgja okkur inn í nóttina þar sem þeir spila ýmsa tölvuleiki og væta kverkarnar um leið. Rauðvín og klakar er á dagskrá klukkan 21:00