Samstarf

Hringrás & HP Gámar kolefnisbinda starfsemina

Hringrás og HP Gámar

Samningurinn mun koma til með að kolefnisbinda alla starfsemi bifreiða- og vélarflota Hringrásar og HP Gáma.

Þann 19. nóvember skrifuðum við undir skemmtilegan og mikilvægan samning við Súrefni íslenska kolefnisjöfnun!

Eins og flestir Íslendingar erum við hjá Hringrás mjög meðvituð um mikilvægi þess að bera ábyrgð á eigin kolefnisspori og þess að leggja sitt að mörkum til að koma í veg fyrir frekari kolefnislosun og hamfarahlýnun. Í yfir 20 ár höfum við þjónustað okkar viðskiptavini við flokkun á úrgangi og endurvinnslu. En við viljum gera meira.

Út frá okkar græna bókhaldi sem endurskoðað var af VSÓ ráðgjöf unnum við náið með Súrefni til að finna leiðir til að draga úr okkar kolefnisfótspori.

Við skrifuðum undir 5 ára samning við Súrefni sem munu koma til með að kolefnisbinda alla starfsemi okkar bifreiða- og vélarflota. Fyrir starfsemi 2020 munum við gróðursetja 15.000 tré og hlökkum til að sjá þau vaxa og dafna í Hringrásarskóginum. Hann mun kom til með að vera við Símonarskóg, vestan við Markarfljót á suðurlandi og mun bæta land- og loftgæði ásamt því skapa störf á svæðinu við framkvæmdir og umhirðu svæðisins.

Ennfremur mun svæðið geta nýst sem útivistarsvæði til framtíðar ásamt því að græða landið og losar um leið umhverfið við lúpínugróður sem er þar á svæðinu núna.

Súrefni er íslenskt fyrirtæki sem gerir öllum kleift að taka ábyrgð á eigin kolefnisfótspori með kolefnisbindingu í skógrækt og markmið þeirra er að öll þeirra kolefnisjöfnunarskógrækt verði vottuð með alþjóðlegri vottun.

Nánar um Súrefni hér.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.