Handbolti

Kielce hafði betur gegn Börsungum í toppslagnum

Hjörtur Leó Guðjónsson skrifar
Haukur Þrastarson og félagar hans í Kielce höfðu betur gegn Barcelona í toppslag B-riðils.
Haukur Þrastarson og félagar hans í Kielce höfðu betur gegn Barcelona í toppslag B-riðils. EPA-EFE/GEIR OLSEN NORWAY OUT

Íslendingalið Kielce frá Póllandi hafði betur gegn Barcelona, , er liðin mættust í toppslag B-riðils í Meistaradeild Evrópu í handbolta í kvöld. Kielce hefur nú þriggja stiga forystu á toppnum.

Heimamenn frá Barcelona tók forystuna snemma leiks og náðu mest fjögurra marka forskoti í stöðunni 10-6. Þá hrukku gestirnir þó í gang og skoruðu níu mörk gegn tveimur mörkum gestanna og náðu þriggja marka forystu.

Kielce hélt forystuni út hálfleikinn, og þegar gengið var til búningsherbergja var staðan 16-19, gestunum í vil.

Mikið jafnræði var með liðunum í seinni hálfleik og liðin skiptust á að skora. Gestirnir frá Póllandi gáfu forystuna þó aldrei frá sér og unnu að lokum virkilega sterkan tveggja marka sigur, 30-32.

Sigvaldi björn Guðjónsson og Haukur Þrastarson voru báðir í hóp hjá Kielce, en hvorugur komst á blað. Liðið er nú á toppi B-riðils með 12 stig, þremur stigum meira en Barcelona sem situr í öðru sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.