Viðskipti innlent

Uggandi yfir flutningi Vínbúðarinnar í Austurstræti

Kristín Ólafsdóttir skrifar
Tilfærslurnar yllu mismiklum viðbrigðum fyrir viðskiptavini.
Tilfærslurnar yllu mismiklum viðbrigðum fyrir viðskiptavini. Vísir/Ragnar

ÁTVR hyggst loka vínbúð sinni við Austurstræti og skoðar fjórar nýjar staðsetningar. Viðskiptavinir sem fréttastofa ræddi við í dag voru ósáttir við fyrirhugaðan flutning úr Austurstræti, einkum ef búðin verður færð í nýtt hverfi.

Vínbúðin við Austurstræti var opnuð árið 1992. Nú stendur til að flytja og eftirfarandi staðir koma til greina: Hallveigarstígur 1, húsnæði við Hringbraut 119/121, Fiskislóð 10 úti á Granda og nýbyggingar við Hallgerðargötu, rétt við Kirkjusand.

ÁTVR segir húsnæðið í Austurstræti óhentugt; það sé á tveimur hæðum og flutningar til og frá húsinu erfiðir. Gerð er krafa um að nýja húsnæðið liggi vel við almenningssamgöngum - og að þar sé nóg af bílastæðum. 

Áðurnefndir fjórir staðir virðast uppfylla þessar kröfur - en hefðu mismikil viðbrigði í för með sér fyrir viðskiptavini Austurstrætis. Þannig myndi muna talsverðu að flytja á Hringbraut eða Granda, öllu minna á Hallveigarstíg - en vínbúð við Kirkjusand er ekki beinlínis innan hverfis. 

„Bara skelfilegt“

En hvað finnst viðskiptavinunum sjálfum um fyrirhugaða flutninga?

„Mér finnst þetta bara skelfilegt því hér er Austurstræti ekki það mikið lifandi. Mikið af börum og pöbbum og ég er með einu fataverslunina fyrir utan Lundabúðirnar. Og mér finnst mjög slæmt að missa traffíkina sem myndast hér [við Vínbúðina],“ segir Hafdís Þorleifsdóttir, eigandi fatabúðarinnar Gyllta kattarins við Austurstræti.

Hafdís Þorleifsdóttir, eigandi Gyllta kattarins við Austurstræti.

„Mér finnst eiginlega fáránlegt að hafa hana á Hallgerðargötu, það verður að vera einhvers staðar hérna miðsvæðis, hvort sem það er á Hallveigarstíg, Fiskislóð eða einhvers staðar hérna á þessu svæði,“ segir Ragnheiður Kristín Finnbogadóttir.

Myndu ef til vill drekka minna

Aðrir láta sig málið örlítið minna varða.

„Hlutlaus. Þetta er bara þannig,“ segir Sindri Freyr Steingrímsson.

Ragnheiður Kristín Finnbogadóttir.

Fólk var þó sammála um mikilvægi þess að gott aðgengi væri að nýrri búð fyrir gangandi - og að hún væri í göngufæri við þá gömlu. Bílastæði vógu ekki þungt en flutningar gætu þó haft tiltekin jákvæð áhrif.

„Ég held að þá myndi maður bara drekka minna,“ segir Sindri og hlær. Gabriel Dunsmith býr í Gamla Vesturbænum, á ekki bíl og gengur allt sem hann fer. Hann kvað fyrirhugaða flutninga geta komið sér illa.

Gabriel Dunsmith.

„Ég gæti drukkið minna. Eða ég gæti fært ákveðnar fórnir og tekið Strætó og birgt mig upp sjaldnar en áður,“ segir Gabriel kíminn.

Hér fyrir neðan má svo sjá myndir frá möguleikunum fjórum.

Fiskislóð 10.
Húsnæði við Hringbraut 119/121.
Hallveigarstígur 1.
Fiskislóð 10.
Nýbyggingar við Hallgerðargötu. Horft er til númeranna 19-23.




Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
0,77
2
590
ICEAIR
0,76
42
80.961
SKEL
0,65
3
46.782
REGINN
0,61
2
10.007
REITIR
0,57
3
1.079

Mesta lækkun dagsins


Félag
Br.%
Fjöldi
Velta*
MAREL
-2,46
20
244.421
EIM
-1,39
3
1.790
HAGA
-1,06
1
35.125
SJOVA
-0,53
3
27.749
FESTI
-0,43
1
31.185
Velkomin á Vísi. Þessi vefur notar vafrakökur. Sjá nánar.