Körfubolti

Rose með stórleik þegar Knicks komst aftur á sigurbraut

Arnar Geir Halldórsson skrifar
Úr leiknum í nótt.
Úr leiknum í nótt. vísir/Getty

New York Knicks hafði betur gegn meistaraliði Milwaukee Bucks í einum af stórleikjum næturinnar í NBA körfuboltanum.

Knicks byrjaði tímabilið af miklum krafti en hafði tapað tveimur leikjum í röð þegar kom að leiknum gegn Milwaukee Bucks, sem hefur byrjað leiktíðina rólega, í nótt.

Derrick Rose kom sterkur inn af bekknum hjá Knicks og skilaði 23 stigum á blað í fimmtán stiga sigri Knicks, 113-98. Julius Randle stigahæstur í liði Knicks með 32 stig en Giannis Antetokounmpo var stigahæstur gestanna með 25 stig.

Golden State Warriors deilir toppsæti Vesturdeildarinnar með Utah Jazz og vann öruggan sigur á New Orleans Pelicans í nótt, 126-85 þar sem hinn ungi Jordan Poole fór mikinn og var stigahæstur með 26 stig.

Úrslit næturinnar

Detroit Pistons - Brooklyn Nets 90-96

Orlando Magic - San Antonio Spurs 89-102

Washington Wizards - Memphis Grizzlies 115-87

Toronto Raptors - Cleveland Cavaliers 101-102

Milwaukee Bucks - New York Knicks 98-113

Minnesota Timberwolves - Los Angeles Clippers 84-104

Golden State Warriors - New Orleans Pelicans 126-85

Portland Trail Blazers - Indiana Pacers 110-106

Sacramento Kings - Charlotte Hornets 140-110

NBA



Fleiri fréttir

Sjá meira


×