Veiði

Ágæt byrjun hjá mörgum rjúpnaskyttum

Karl Lúðvíksson skrifar
Rjúpnaveiðar hófust á mánudaginn
Rjúpnaveiðar hófust á mánudaginn visir/vilhelm

Rjúpnaveiðitímabilið hófst á mánudaginn í skugga breyttra reglna en aðeins má veiða frá hádegi á þeim dögum sem veiðar eru heimilar.

Þrátt fyrir að veiðitíminn hafi verið styttur sem því nemur að aðeins megi ganga frá hádegi, eða rétt um ellefu daga, hafa fyrstu fréttir af rjúpnaveiðum verið góðar víða. Við höfum heyrt frá nokkuð mörgum veiðimönnum sem hafa nú þegar náð jólamatnum og eru hættir veiðum. Það skal tekið fram að fæstir þeirra hættu veiðum við fjóra fugla eins og mælst hefur verið til en meðalveiðin á mann er líklega um 8-10 fuglar eða það sem fjölskyldan þarf til að halda jólin með sínum hefðum.

Rjúpnaskyttur hafa síðustu ár gengið þá daga sem þarf til að ná í jólamatinn og hætta eftir það, það heyrir til algjörra undantekninga að menn séu að veiða meira en það enda er sölubann á rjúpu og líklega engin að ganga á fjöll til að veiða í því skyni að hagnast á veiðum. Sá tími er voanndi löngu liðinn. Það er vonandi að sem flestum gangi vel við veiðar og gæti þess að veiða í hófi, fari varlega á fjöllum og komi heilir heim. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.