Handbolti

Elín Jóna fann sig ekki í stóru tapi

Hjörtur Leó Guðjónsson skrifar
Elín Jóna Þorsteinsdóttir og stöllur hennar í Ringkøbing máttu þola níu marka tap í dösnku deildinni í dag.
Elín Jóna Þorsteinsdóttir og stöllur hennar í Ringkøbing máttu þola níu marka tap í dösnku deildinni í dag. Facebook/@hsi.iceland

Elín Jóna Þorsteinsdóttir og stöllur hennar í danska liðinu Ringkøbing máttu þola stórt tap er liðið heimsótti Ajax frá Kaupmannahöfn í dönsku úrvalsdeildinni í handbolta. Lokatölur 30-21, Ajax í vil.

Nokkuð jafnræði var með liðunum fyrstu mínútur leiksins, en um miðjan fyrri hálfleik náðu heimakonur í Ajax forystunni. Þær náðu mest sjö marka forystu, en þegar gengið var til búningsherbergja var staðan 17-11.

Heimakonur náðu fljótt tíu marka forystu í seinni hálfleik og héldu því forskoti út leikinn. Lokatölur urðu 30-21, en Ajax hefur nú níu stig í áttunda sæti deildarinnar eftir tíu leiki, þrem stigum meira en Elín Jóna og Ringkøbing sem sitja í 11. sæti.

Elín Jóna stóð vaktina í marki Ringkøbing í upphafi leiks og varði fimm skot eða rétt rúmlega 20 prósent.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.