Handbolti

„Hálf sorglegt að sjá hvernig er að fara fyrir Barcelona í dag“

Ingvi Þór Sæmundsson skrifar
Aron Pálmarsson og félagar hans í íslenska landsliðinu æfa alla daga í þessari viku.
Aron Pálmarsson og félagar hans í íslenska landsliðinu æfa alla daga í þessari viku. vísir/vilhelm

Landsliðsfyrirliðinn Aron Pálmarsson segir erfitt að horfa upp á stöðuna sem hans gamla félag, Barcelona, er í.

Sem kunnugt er á Barcelona í miklum fjárhagskröggum og hefur þurft að skera niður mikið hjá sér. Aron yfirgaf Barcelona í sumar eftir fjögur ár í Katalóníu og gekk í raðir Álaborgar. 

Aron segir erfitt að horfa upp á vandræðin sem Barcelona glímir við um þessar mundir.

„Það er það. Það er bæði leiðinlegt að lesa um þetta í blöðunum og svo heldur maður sambandi við strákana í liðinu,“ sagði Aron í samtali við Henry Birgi Gunnarsson fyrir landsliðsæfingu í Víkinni í gær.

Klippa: Aron um stöðuna hjá Barcelona

Aron segir að ekki sjái enn fyrir endann á vandamálum Barcelona.

„Leikmennirnir fá allavega enn launin sín og það gengur allt í lagi. En ég held að vandamálin eigi bara eftir að koma meira. Ég hef sterkar taugar og það er hálf sorglegt að sjá hvernig er að fara fyrir þessu félagi í dag,“ sagði Aron.

Hafnfirðingurinn vann allt sem hægt var að vinna þegar hann lék með Barcelona, meðal annars Meistaradeild Evrópu í vor.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.