Viðskipti innlent

Arion banki hagnaðist um 8,2 milljarða króna

Eiður Þór Árnason skrifar
Höfuðstöðvar Varðar verða brátt fluttar í húsnæði Arion banki í Borgartúni.
Höfuðstöðvar Varðar verða brátt fluttar í húsnæði Arion banki í Borgartúni. Vísir/Vilhelm

Arion banki hagnaðist um 8.238 milljónir króna á þriðja ársfjórðungi og var arðsemi eiginfjár 17,0% á fjórðungnum samanborið við 8,3% á sama tímabili í fyrra.

Hreinar þóknunartekjur jukust um 36% milli ára og hafa aldrei verið hærri á stökum fjórðungi. Þetta kemur fram í tilkynningu frá bankanum til Kauphallar. Eiginfjárhlutfall bankans var 25,4% þann 30. september 2021.

Heildareignir námu 1.346 milljörðum króna í lok september, samanborið við 1.173 milljarða króna í árslok 2020. Lán til viðskiptavina jukust um 9,0% frá áramótum en íbúðalán hækkuðu um 16,4% á sama tíma.

Lausafé jókst um 15,3% þrátt fyrir endurkaup á hlutabréfum bankans og arðgreiðslu. Á skuldahliðinni jukust innlán um 12,8% fyrstu níu mánuði ársins og lántaka jókst um 32,8%, mest á þriðja ársfjórðungi þegar bankinn gaf út græn skuldabréf og sértryggð skuldabréf í evrum. Heildar eigið fé nam 195 milljörðum króna í lok tímabilsins, að því er fram kemur í tilkynningu. 

Þann 1. júlí síðastliðinn náðust samningar um sölu Arion banka á greiðslumiðlunarfyrirtækinu Valitor hf. til alþjóðlega fjártæknifyrirtækisins Rapyd.

Auknar þóknunartekjur beri vott um fjölbreytta starfsemi

Benedikt Gíslason, bankastjóri Arion banka, segir að starfsemi bankans hafi gengið vel á þriðja ársfjórðungi líkt og allt þetta ár. Allir helstu fjárhagsmælikvarðar bankans hafi þróast með jákvæðum hætti á tímabilinu og tekjur af kjarnastarfsemi aukist um 7,5% frá sama tímabili fyrir ári.

„Þóknanatekjur bankans halda áfram að aukast og bera fjölbreyttri starfsemi bankans vott. Í takt við jákvæða þróun í efnahagslífi landsins aukast útlán Arion banka um 6% á fjórðungnum. Eiginfjár- og lausafjárhlutföll bankans eru áfram sterk og með því hæsta sem gerist í Evrópu,“ segir hann í tilkynningu.

Vörður er dótturfélag Arion banka.Vísir/vilhelm

Það fjölgaði um um einn í framkvæmdastjórn á þriðja ársfjórðungi þegar nýtt svið var sett á laggirnar innan bankans. Snýr það að upplifun viðskiptavina með sérstaka áherslu á stafræna þjónustu.

Að sögn Benedikts gegnir nýja sviðið meðal annars mikilvægu hlutverki þegar kemur að auknu samstarfi Arion banka og tryggingafélagsins Varðar, dótturfélags bankans. Nú sé unnið að því að flytja starfsemi og þjónustu Varðar í höfuðstöðvar Arion banka í Borgartúni.

Hluti núverandi starfsmanna Varðar mun koma til starfa hjá bankanum á meðan aðrir starfa áfram hjá Verði sem verður áfram sjálfstætt félag.

Benedikt segir að nýrri útgáfu sértryggðra skuldabréfa í evrum hafi verið afar vel tekið og vakið eftirtekt á alþjóðlegum lánsfjármörkuðum. Um sé að ræða nýjung í fjármögnun bankans sem og mikilvæg viðbót við fjármögnungarkosti hans til framtíðar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SVN
1,43
24
402.586
BRIM
1,3
12
99.563
REITIR
1,23
12
62.743
SJOVA
1,11
17
159.704
EIK
0,86
7
43.452

Mesta lækkun dagsins


Félag
Br.%
Fjöldi
Velta*
ICEAIR
-3,03
48
60.556
EIM
-1,64
12
114.477
ORIGO
-1,48
5
302
ICESEA
-1
7
120.684
SYN
-0,77
15
41.667
Velkomin á Vísi. Þessi vefur notar vafrakökur. Sjá nánar.