Viðskipti erlent

Verkfall í kvikmynda- og þáttagerð gæti hafist eftir helgi

Kjartan Kjartansson skrifar
Alþjóðlegt bandalagi leikhús- og sviðsstarfsmanna (IATSE) er stéttarfélag ýmissa stétta sem starfa við kvikmynda- og sjónvarpsgerð í Bandaríkjunum.
Alþjóðlegt bandalagi leikhús- og sviðsstarfsmanna (IATSE) er stéttarfélag ýmissa stétta sem starfa við kvikmynda- og sjónvarpsgerð í Bandaríkjunum. AP/Chris Pizzello

Um 60.000 félagar í stéttarfélagi kvikmynda- og þáttagerðafólks í Bandaríkjunum gæti hafist á mánudag ef samningar nást ekki við framleiðendur áður. Vinna við kvikmyndir og þætti í Hollywood og víðar myndi að líkindum stöðvast að miklu leyti.

Hvíldar- og matartímar fyrir lægst launuðu félagsmennina eru helsti ásteytingarsteinninn í viðræðum Alþjóðlegs bandalags leikhús- og sviðsstarfsmanna (IATSE) og viðsemjenda þeirra, að sögn AP-fréttastofunnar.

Ef til verkfalls kemur á mánudag yrði það fyrsta landsverkfallið í 128 ára sögu IATSE. Innan vébanda þess eru kvikmyndatökumenn, sviðsmyndahönnuðir, smiðir, hárgreiðslu- og förðunarfræðingar og fleiri. Afgerandi meirihluti félagsmanna samþykkti verkfallsboðun í byrjun mánaðar.

Starfsfólk í kvikmyndaiðnaði hefur lengi kvartað undan gífurlegu álagi og löngum tökudögum. Það fái hvorki nægilega hvíld á vinnutíma né á milli vakta. Talsmenn IATSE segir að þeir sem eru á lægstu laununum nái ekki endum saman. 

Streymisveitur eins og Apple, Amazon og Netflix komast upp með að greiða þeim enn lægri laun en kveðið er á um í samningum þar sem þær fengu undanþágur þegar þær komu fyrst fram á sjónarsviðið. Síðan þá eru streymisveitur orðnar að iðnaði sem veltir milljörðum á milljarða ofan.

Bandalag kvikmynda- og sjónvarpsframleiðenda segir hefur sagt að það meti starfsfólk sitt að verðleikum og að það ætli sér að koma í veg fyrir vinnustöðvun í geira sem er enn að ná vopnum sínum eftir verulegar raskanir af völdum kórónuveirufaraldursins.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
6,03
52
332.190
ICEAIR
3,25
239
770.350
LEQ
1,46
2
1.138
ICESEA
1,22
6
179.280
ORIGO
0,81
8
49.987

Mesta lækkun dagsins


Félag
Br.%
Fjöldi
Velta*
EIK
-3,12
12
38.328
REGINN
-2,65
5
46.100
EIM
-2,07
6
142.688
FESTI
-1,83
10
608.417
REITIR
-1,83
6
64.185
Velkomin á Vísi. Þessi vefur notar vafrakökur. Sjá nánar.