Körfubolti

Risaleikur í fyrstu umferð bikarkeppninnar hjá konunum

Ingvi Þór Sæmundsson skrifar
Valur og Keflavík mætast í 32-liða úrslitum Mjólkurbikars kvenna.
Valur og Keflavík mætast í 32-liða úrslitum Mjólkurbikars kvenna. vísir/bára

Dregið var í fyrstu umferðir VÍS bikars karla og kvenna í körfubolta í dag.

Í dag var dregið í sex viðureignir í 32-liða úrslitum VÍS bikars karla og átta viðureignir í sextán liða úrslitum og tvær viðureignir í 32-liða úrslitum VÍS bikars kvenna og átta viðureignir í sextán liða úrslitunum. Átján lið skráðu sig til leiks í bikarkeppni kvenna sem er met.

Önnur viðureignin í 32-liða úrslitum kvenna er sannkallaður stórleikur, milli Íslandsmeistara Vals og Keflavíkur.

Nýkrýndir bikarmeistarar Njarðvíkur í karlaflokki og Hauka í kvennaflokki fengu nokkuð viðráðanlega leiki. Í sextán liða úrslitum karla mætir Njarðvík Álftanesi og í sextán liða úrslitum kvenna mæta Haukar Grindavík sem er í nýliði í Domino's deildinni.

KR og Snæfell eigast við í 32-liða úrslitum karla og sigurvegarinn í þeirri viðureign mætir Keflavík í sextán liða úrslitunum. Þá mætir silfurlið síðasta tímabils, Stjarnan, sigurvegaranum úr viðureign Tindastóls og Skallagríms.

Aþena, sem er nýtt lið í kvennaflokki, mætir ÍR í sínum fyrsta bikarleik frá upphafi.

Leikirnir í 32-liða úrslitum VÍS bikarsins fara fram 16.-18. október og leikirnir í sextán liða úrslitunum 30. október-1. nóvember.

Drátturinn í 32- og 16-liða úrslit VÍS bikars karla og kvenna

32-liða úrslit karla

  • Skallagrímur - Tindastóll
  • Hamar - Vestri
  • Snæfell - KR
  • Selfoss - ÍA
  • Sindri - ÍR
  • Fjölnir - Þór Ak.
  • Ármann - Valur

16-liða úrslit karla

  • Hamar/Vestri - Haukar
  • Álftanes - Njarðvík
  • Keflavík - Snæfell/KR
  • Skallagrímur/Tindastóll - Stjarnan
  • Grindavík - Höttur
  • Selfoss/ÍA - Þór Þ.
  • Breiðablik - Ármann/Valur
  • Fjölnir/Þór Ak. - Sindri/ÍR

32-liða úrslit kvenna

  • Valur - Keflavík
  • Vestri - Njarðvík

16-liða úrslit kvenna

  • ÍR - Aþena
  • Stjarnan - Ármann
  • Skallagrímur - Vestri/Njarðvík
  • Haukar - Grindavík
  • Valur/Keflavík - Fjölnir
  • Snæfell - KR
  • Breiðablik - Tindastóll
  • Hamar - Þór Ak.




Fleiri fréttir

Sjá meira


×