Ráðnar til 1xInternet á Íslandi

Atli Ísleifsson skrifar 29. september 2021 07:16

Fanney Þorbjörg Guðmundsdóttir og Ísabella Jasonardóttir hafa verið ráðnar til hugbúnaðarfyrirtækisins 1xInternet á Íslandi. Fanney Þorbjörg tekur við stöðu fjármálastjóra og Ísabella verkefnastjóra.

Þetta kemur fram í tilkynningu frá fyrirtækinu. Þar segir að Fanney Þorbjörg sé hagfræðingur að mennt og með próf í verðbréfamiðlun.

„Fanney kemur til 1xINTERNET frá Salt Pay þar sem hún starfaði í fjárstýringu.

Fanney er í sambúð með Ævari Hrafni Ingólfssyni, lögfræðingi hjá KPMG og eiga þau saman einn son.

Ísabella hefur tekið við starfi verkefnastjóra hjá 1xINTERNET en hún útskrifaðist með BSc gráðu í rekstrarverkfræði frá Háskólanum í Reykjavík í vor. Ísabella kemur frá Íslandsbanka þar sem hún hefur starfað síðastliðin ár, nú síðast í fyrirtækjaráðgjöf. Ísabella mun koma til með að leiða hugbúnaðarverkefni hérlendis sem og annarsstaðar í Evrópu. Ísabella er í sambúð með Magnúsi Karli Magnússyni, mastersnema og handboltaþjálfara,“ segir í tilkynningunni.

Fyrirtækið var stofnað árið 2011 með það að markmiði að þróa framsæknar veflausnir og veita faglega þjónustu til viðskiptavina sinna. Fyrirtækið er með höfuðstöðvar í Frankfurt og skrifstofur í Berlín, Reykjavík og Conil de la Frontera. Starfsmenn eru nú sextíu talsins.

Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.