Körfubolti

Er aðeins tilbúinn að taka þátt í troðslukeppninni fyrir 129 milljónir

Óskar Ófeigur Jónsson skrifar
Ja Morant er frábær leikmaður og stórstjarna Memphis Grizzlies liðsins.
Ja Morant er frábær leikmaður og stórstjarna Memphis Grizzlies liðsins. EPA-EFE/ETIENNE LAURENT

Ja Morant er einn af framtíðarstjörnum NBA deildarinnar í körfubolta en það þarf mikið til þess að hann sé reiðubúinn að taka þátt í troðslukeppni Stjörnuleiksins.

Morant er að fara að byrja sitt þriðja tímabil með Memphis Grizzlies liðinu þar sem hann var með 19,1 stig og 7,4 stoðsendingar í leik í deildarkeppninni og hækkaði það upp í 30,2 stig og 8,2 stoðsendingar í leik í úrslitakeppninni.

Ja Morant er kannski bara 191 sentímetrar á hæð sem þykir ekki mikið í NBA-deildinni en hann hefur margoft sýnt það að hann getur troðið boltanum í körfuna með tilþrifum.

Morant hefur meðal annars gefið á sjálfan sig í hraðaupphlaupi með því að troða eftir að hafa hent boltanum í spjaldið.

Þegar kom að því hjá blaðamanninum Taylor Rooks á netmiðlinum Bleacher Report að spyrja hann út í þátttöku í troðslukeppni Stjörnuleiksins þá stóð ekki á svari.

Morant er ekki tilbúinn að taka þátt í troðslukeppninni nema að honum verði boðið ein milljón Bandaríkjadala fyrir. Það eru 129 milljónir í íslenskum krónum.

Við getum því afskrifað það að sjá kappann einhvern tímann taka þátt í troðslukeppninni í framtíðinni.

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.