Viðskipti erlent

iPhone 13 lítur dagsins ljós

Tryggvi Páll Tryggvason skrifar
Glænýr sími.
Glænýr sími. Apple

Bandaríski tæknirisinn kynnti nýjar vörur með pompi og prakti á sérstökum kynningarfundi í dag. iPhone 13 var kynntur til sögunnar ásamt nýju Apple Watch og ýmsu öðru.

Alls kynnti Apple fjórar nýjar útgáfur af nýjasta iPhone-síma fyrirtækisins. Er þar um að ræða iPhone 13, iPhone 13 Mini, iPhone 13 Pro og iPhone 13 Pro Max. Helstu uppfærslurnar eru stærra batterí, nýr örgjörvi, meira geymsluminni og uppfærð myndavél.

Apple gaf ekki upp hversu stór batteríin verða en gaf þó upp að með nýju stýrikerfi, iOS15, og hinum nýja örgjörva, A15, ætti batteríending símanna að batna um allt að tvo og hálfan tíma.

Nýjung í hönnun er að hakið á framhlið símannna er minna en áður og myndavélarnar tvær sem eru aftan á símanum er raðað upp á ská, en ekki í röð eins og áður. Hafa myndflögurnar í báðum myndavélum verið stækkaðar og ljósopið gert víðara. Þá hefur hristivörn sem finna mátti í iPhone Pro Max 12 verið bætt við iPhone 13-línuna.

Að öðru leyti er ekki um miklar hönnunarbreytingar á milli iPhone 12 og iPhone 13. Að auki kynnti Apple nýtt úr, Apple Watch 7. Þar ber helst að nefna að skjárinn hefur verið stækkaður.

Sjá má allt það helsta úr kynningunni hér að neðan.


Tengdar fréttir

Ætla að leggja áherslu á skjái á kynningu dagsins

Forsvarsmenn Apple munu kynna nýjustu tæki fyrirtækisins í dag. Að þessu sinni er fastlega búist við því að fyrirtækið muni kynna nýja iPhone-síma og Apple Wathch-snjallúr. Það er að segja iPhone 13 línu og sjöundu kynslóð úra.

Horfðu á kynningu Apple: Kynna nýja síma og úr

Forsvarsmenn tæknirisans Apple halda árlega kynningu fyrirtækisins í dag. Eins og síðusta ár er kynningin stafræn en búist er við því að fyrirtækið kynni nýja síma, snjallúr og heyrnartól.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.