Viðskipti erlent

Ætla að leggja áherslu á skjái á kynningu dagsins

Samúel Karl Ólason skrifar
iPhone 13 er sagður vera svipaður og iPhone 12 en skjár nýja símans á að vera betri og myndavélin sömuleiðis.
iPhone 13 er sagður vera svipaður og iPhone 12 en skjár nýja símans á að vera betri og myndavélin sömuleiðis. Getty/Beata Zawrzel

Forsvarsmenn Apple munu kynna nýjustu tæki fyrirtækisins í dag. Að þessu sinni er fastlega búist við því að fyrirtækið muni kynna nýja iPhone-síma og Apple Wathch-snjallúr. Það er að segja iPhone 13 línu og sjöundu kynslóð úra.

Einnig er búist við því að Apple muni kynna ný heyrnartól en minni líkur eru taldar á því að nýjar tölvur verði kynntar í dag, samkvæmt frétt TechCrunch.

Samkvæmt heimildum blaðamanna vestanhafs mun Apple leggja mikla áherslu á skjái þetta árið. Skjáir símanna eiga að vera betri og skjáir úranna stærri. Í frétt New York Times segir að útlit iPhone 13 verði mjög svipað útliti iPhone 12.

Endurnýjunartíðni skjáa símanna (refresh rate) á þó að vera betri og myndavél þeirra sömuleiðis.

Sjá einnig: Apple hagnaðist um 2,7 billjónir króna

Til viðbótar við ný tæki er einnig búist við því að nýr hugbúnaður verði kynntur á kynningu Apple. Þá er sérstaklega búist við því að fyrirtækið muni segja hvenær ný stýrikerfi fyrir síma, tölvur, úr og spjaldtölvur fyrirtækisins verði gefin út.

Kynningin hefst klukkan fimm í dag. Hægt verður að fylgjast með henni hér að neðan.


Tengdar fréttir

Úrskurður dómara í deilu Apple og Epic sagður mikið högg fyrir tæknirisann

Dómari í máli tölvuleikjaframleiðandans Epic gegn bandaríska tæknirisanum Apple hefur úrskurðað að Apple megi ekki koma í veg fyrir að framleiðendur smáforrita beini notendum að öðrum greiðslugáttum en þeirri sem Apple býður upp á. Fréttamiðlar ytra slá því upp að úrskurðurinn sé  mikið högg fyrir Apple.

Apple slakar á klónni gagnvart minni hugbúnaðarfyrirtækjum

Samkomulag sem tæknirisinn Apple hefur gert við hóp hugbúnaðarfyrirtækja gerir þeim síðarnefndu kleift að rukka viðskiptavini snjallforrita þeirra beint í stað þess að nota greiðslukerfi Apple. Málaferli standa nú yfir þar sem Apple er sakað um samkeppnisbrot vegna viðskiptahátta forritaverslunar fyrirtækisins.

Seldi launabónusinn fyrir 95 milljarða króna

Tim Cook forstjóri Apple hagnaðist um 750 milljónir dollara eða 95 milljarða króna þegar hann seldi fimm milljónir hluta í fyrirtækinu, sem hann fékk sem launauppbót eftir að hafa verið forstjóri Apple í tíu ár.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
4,07
11
471.595
KVIKA
3,45
26
594.413
ORIGO
3,39
8
37.855
REITIR
2,82
13
613.225
FESTI
1,98
5
178.310

Mesta lækkun dagsins


Félag
Br.%
Fjöldi
Velta*
SKEL
-0,77
1
280
ISB
0
51
1.053.218
Velkomin á Vísi. Þessi vefur notar vafrakökur. Sjá nánar.