Rúnar Alex líklegur arftaki en þarf að grípa gæsina Runólfur Trausti Þórhallsson skrifar 9. september 2021 12:30 Rúnar Alex stóð vaktina í marki Íslands gegn Rúmeníu. Vísir/Vilhelm Það er ljóst að Hannes Þór Halldórsson mun ekki spila fyrir leiki fyrir íslenska landsliðið í fótbolta. Eftir 77 leiki hefur þessi frábæri markvörður ákveðið að segja þetta gott með landsliðinu. Stóra spurningin er, hver mun leysa hann af hólmi? Eftir 0-4 tapið gegn Þýskalandi á Laugardalsvelli tilkynnti hinn 37 ára gamli Hannes Þór að hann hefði leikið sinn síðasta landsleik. Erfitt er að finna orð til að lýsa landsliðsferli Hannesar Þórs en það er svo gott sem hægt að fullyrða að hann sé besti landsliðsmarkvörður Íslands frá upphafi þó aðrir hafi ef til vill náð betri árangri með félagsliðum sínum. Hannes Þór hefur verið í minna hlutverki síðan Arnar Þór Viðarsson og Eiður Smári Guðjohnsen og nú þurfa þeir að ákveða hver verður næsti aðalmarkvörður íslenska landsliðsins. Það er ekki langt síðan Vísir velti fyrir sér þeim höfuðverk sem landsliðsmarkvarðarstaða Íslands væri. Svo mikill var höfuðverkurinn að Arnar Þór hefur notað þrjá markverði í þeim níu leikjum sem hann hefur stýrt íslenska A-landsliðinu. Rúnar Alex Rúnarsson hefur byrjað fimm, Hannes Þór þrjá og Ögmundur Kristinsson einn. Ef marka má þá tölfræði er auðvelt að benda á að Rúnar Alex verði næsti aðalmarkvörður íslenska landsliðsins. Það þarf ekkert að fara í felur með það að hinn 26 ára gamli Rúnar Alex hefur hins vegar ekki nýtt sín 12 tækifæri með landsliðinu nægilega vel. Hann fékk til að mynda á sig mark beint úr hornspyrnu gegn Liechtenstein fyrr á þessu ári og leit ekki vel út í mörkunum tveimur sem Ísland fékk á sig gegn Norður-Makedóníu. Að því sögðu var Hannes Þór orðinn 27 ára þegar hann lék sinn fyrsta landsleik og hans bestu leikir komu nær allir eftir að hann varð þrítugur. Tæknilega séð er Rúnar Alex því kominn lengra í sinni þróun sem markvörður en Hannes Þór var á sínum tíma. Mýtan um að markverðir séu upp á sitt besta eftir þrítugt átti svo sannarlega við um Hannes Þór og hver veit nema hún gæti líka átt við um Rúnar Alex. Ögmundur Kristinsson var ekki með landsliðinu í verkefninu sem lauk með 0-4 tapinu gegn Þýskalandi en hann stóð sig með prýði gegn Færeyjum og Póllandi í vináttuleikjum sem fram fóru fyrr á þessu ári. Sömu sögu er að segja af Rúnari Alex sem lék gegn Mexíkó og Póllandi í sama glugga. Patrik Sigurður í leik með U-21 árs landsliðinu.Vísir/Daniel Patrik Sigurður Gunnarsson og Elías Rafn Ólafsson eru svo farnir að banka á dyrnar hjá A-landsliðinu. Það er hins vegar nær ómögulegt að halda því fram að einhver þessara fjögurra markvarða „eigi“ að vera aðalmarkvörður Íslands þar sem enginn þeirra er aðalmarkvörður í sínu liði í dag. Elías Rafn hóf tímabilið milli stanganna hjá danska úrvalsdeildarfélaginu Midtjylland þar sem aðalmarkvörður liðsins fékk lengra sumarfrí en aðrir leikmenn liðsins. Hvernig tímabil hans mun þróast á eftir að koma í ljós. Þá er Patrik Sigurður farinn á láni til Viking í Noregi þar sem hann var þriðji kostur hjá enska úrvalsdeildarliðinu Brentford. Rúnar Alex er nýfarinn til Belgíu á láni frá Arsenal. Þar ætti hann að verða aðalmarkvörður hjá liði sem leikur í efstu deild. Það ætti að gefa honum aukna möguleika á að hirða stöðu aðalmarkvarðar hjá íslenska landsliðinu. Hann þarf þá að grípa gæsina þegar hún gefst. Hannes Þór fékk tækifærið á sínum tíma og greip það báðum höndum. Hann sleppti ekki takinu næstu tíu árin og steig vart feilspor með landsliðinu á þeim tíma. Það virðist nú vera undir Rúnari Alex komið hvort hann vilji stöðuna eða ekki. Ef hann grípur ekki gæsina gæti farið svo að ungir markverðir á borð við Patrik Sigurð eða Elías Rafn hirði stöðuna af honum. Ekki skal svo afskrifa Ögmund sem er aðeins 32 ára gamall, hann þarf þó að fara spila fleiri leiki með félagsliði sínu ef hann vill standa milli stanganna á Laugardalsvelli. Ögmundur stóð sig vel gegn bæði Færeyjum og Póllandi í vináttulandsleikjum fyrr á þessu ári. Hann fær hins vegar fá tækifæri með félagsliði sínu Olympiacos.Boris Streubel/Getty Images Fótbolti HM 2022 í Katar Mest lesið Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Glódís Perla eftir að tvennan var tryggð: „Langt síðan síðast“ Fótbolti Juventus-parið hætt saman Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Eigandi Chelsea þekkti ekki Ruud Gullit Enski boltinn Fleiri fréttir Sjáðu mörkin úr öruggum Evrópusigrum United og Spurs Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ Meistaradeildardraumur Forest að breytast í martröð Allt small og Rauðu djöflarnir sjá úrslitaleikinn í hillingum Mark undir lok leiks gefur Norðmönnum von Albert byrjaði í naumu tapi í Andalúsíu Chelsea með annan fótinn í úrslit Jóhann Berg skoraði í mikilvægum endurkomu sigri Grindavík snýr aftur heim: „Heimavöllurinn okkar verður áfram tákn samkenndar“ Fyrirliðinn Guðrún og Ísabella Sara hýddar gegn Hammarby Glódís bikarmeistari með Bayern „Fannst ekkert gerast nema Fanndís væri að gera eitthvað“ „Svona leikmaður kemur fram á fimmtíu ára fresti“ Trans konum bannað að spila í kvennaflokki á Bretlandi Glódís í hefndarhug getur náð sögulegum áfanga í dag „Ekki eðlilegt að vera svona góður sautján ára“ Glódís skilur áhyggjur Steina: „Verið gríðarlega sárt og erfitt“ „Hvað eru menn búnir að láta fífla sig út í?“ Sjáðu stórkostleg mörk Barca og Inter Vilja að Arna elti stóru systur: „Þær eru svakalegir íþróttamenn“ Með Man. Utd til Spánar en mega samt ekki spila Sjá meira
Eftir 0-4 tapið gegn Þýskalandi á Laugardalsvelli tilkynnti hinn 37 ára gamli Hannes Þór að hann hefði leikið sinn síðasta landsleik. Erfitt er að finna orð til að lýsa landsliðsferli Hannesar Þórs en það er svo gott sem hægt að fullyrða að hann sé besti landsliðsmarkvörður Íslands frá upphafi þó aðrir hafi ef til vill náð betri árangri með félagsliðum sínum. Hannes Þór hefur verið í minna hlutverki síðan Arnar Þór Viðarsson og Eiður Smári Guðjohnsen og nú þurfa þeir að ákveða hver verður næsti aðalmarkvörður íslenska landsliðsins. Það er ekki langt síðan Vísir velti fyrir sér þeim höfuðverk sem landsliðsmarkvarðarstaða Íslands væri. Svo mikill var höfuðverkurinn að Arnar Þór hefur notað þrjá markverði í þeim níu leikjum sem hann hefur stýrt íslenska A-landsliðinu. Rúnar Alex Rúnarsson hefur byrjað fimm, Hannes Þór þrjá og Ögmundur Kristinsson einn. Ef marka má þá tölfræði er auðvelt að benda á að Rúnar Alex verði næsti aðalmarkvörður íslenska landsliðsins. Það þarf ekkert að fara í felur með það að hinn 26 ára gamli Rúnar Alex hefur hins vegar ekki nýtt sín 12 tækifæri með landsliðinu nægilega vel. Hann fékk til að mynda á sig mark beint úr hornspyrnu gegn Liechtenstein fyrr á þessu ári og leit ekki vel út í mörkunum tveimur sem Ísland fékk á sig gegn Norður-Makedóníu. Að því sögðu var Hannes Þór orðinn 27 ára þegar hann lék sinn fyrsta landsleik og hans bestu leikir komu nær allir eftir að hann varð þrítugur. Tæknilega séð er Rúnar Alex því kominn lengra í sinni þróun sem markvörður en Hannes Þór var á sínum tíma. Mýtan um að markverðir séu upp á sitt besta eftir þrítugt átti svo sannarlega við um Hannes Þór og hver veit nema hún gæti líka átt við um Rúnar Alex. Ögmundur Kristinsson var ekki með landsliðinu í verkefninu sem lauk með 0-4 tapinu gegn Þýskalandi en hann stóð sig með prýði gegn Færeyjum og Póllandi í vináttuleikjum sem fram fóru fyrr á þessu ári. Sömu sögu er að segja af Rúnari Alex sem lék gegn Mexíkó og Póllandi í sama glugga. Patrik Sigurður í leik með U-21 árs landsliðinu.Vísir/Daniel Patrik Sigurður Gunnarsson og Elías Rafn Ólafsson eru svo farnir að banka á dyrnar hjá A-landsliðinu. Það er hins vegar nær ómögulegt að halda því fram að einhver þessara fjögurra markvarða „eigi“ að vera aðalmarkvörður Íslands þar sem enginn þeirra er aðalmarkvörður í sínu liði í dag. Elías Rafn hóf tímabilið milli stanganna hjá danska úrvalsdeildarfélaginu Midtjylland þar sem aðalmarkvörður liðsins fékk lengra sumarfrí en aðrir leikmenn liðsins. Hvernig tímabil hans mun þróast á eftir að koma í ljós. Þá er Patrik Sigurður farinn á láni til Viking í Noregi þar sem hann var þriðji kostur hjá enska úrvalsdeildarliðinu Brentford. Rúnar Alex er nýfarinn til Belgíu á láni frá Arsenal. Þar ætti hann að verða aðalmarkvörður hjá liði sem leikur í efstu deild. Það ætti að gefa honum aukna möguleika á að hirða stöðu aðalmarkvarðar hjá íslenska landsliðinu. Hann þarf þá að grípa gæsina þegar hún gefst. Hannes Þór fékk tækifærið á sínum tíma og greip það báðum höndum. Hann sleppti ekki takinu næstu tíu árin og steig vart feilspor með landsliðinu á þeim tíma. Það virðist nú vera undir Rúnari Alex komið hvort hann vilji stöðuna eða ekki. Ef hann grípur ekki gæsina gæti farið svo að ungir markverðir á borð við Patrik Sigurð eða Elías Rafn hirði stöðuna af honum. Ekki skal svo afskrifa Ögmund sem er aðeins 32 ára gamall, hann þarf þó að fara spila fleiri leiki með félagsliði sínu ef hann vill standa milli stanganna á Laugardalsvelli. Ögmundur stóð sig vel gegn bæði Færeyjum og Póllandi í vináttulandsleikjum fyrr á þessu ári. Hann fær hins vegar fá tækifæri með félagsliði sínu Olympiacos.Boris Streubel/Getty Images
Fótbolti HM 2022 í Katar Mest lesið Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Glódís Perla eftir að tvennan var tryggð: „Langt síðan síðast“ Fótbolti Juventus-parið hætt saman Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Eigandi Chelsea þekkti ekki Ruud Gullit Enski boltinn Fleiri fréttir Sjáðu mörkin úr öruggum Evrópusigrum United og Spurs Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ Meistaradeildardraumur Forest að breytast í martröð Allt small og Rauðu djöflarnir sjá úrslitaleikinn í hillingum Mark undir lok leiks gefur Norðmönnum von Albert byrjaði í naumu tapi í Andalúsíu Chelsea með annan fótinn í úrslit Jóhann Berg skoraði í mikilvægum endurkomu sigri Grindavík snýr aftur heim: „Heimavöllurinn okkar verður áfram tákn samkenndar“ Fyrirliðinn Guðrún og Ísabella Sara hýddar gegn Hammarby Glódís bikarmeistari með Bayern „Fannst ekkert gerast nema Fanndís væri að gera eitthvað“ „Svona leikmaður kemur fram á fimmtíu ára fresti“ Trans konum bannað að spila í kvennaflokki á Bretlandi Glódís í hefndarhug getur náð sögulegum áfanga í dag „Ekki eðlilegt að vera svona góður sautján ára“ Glódís skilur áhyggjur Steina: „Verið gríðarlega sárt og erfitt“ „Hvað eru menn búnir að láta fífla sig út í?“ Sjáðu stórkostleg mörk Barca og Inter Vilja að Arna elti stóru systur: „Þær eru svakalegir íþróttamenn“ Með Man. Utd til Spánar en mega samt ekki spila Sjá meira