Innlent

Réðst að öryggisverði vopnaður grjóti

Tryggvi Páll Tryggvason skrifar
Lögregla var kölluð að verslun í miðborg Reykjavíkur vegna átaka.
Lögregla var kölluð að verslun í miðborg Reykjavíkur vegna átaka. Vísir/Vilhelm

Öryggisvörður verslunar í miðbæ Reykjavíkur var fluttur á slysadeild í morgun eftir að maður réðst að honum vopnaður grjóti.

Þetta kemur fram í dagbók lögreglunnar þar sem segir að í morgun hafi tilkynning borist um átök í verslun í miðbænum, maður hafi ráðist á öryggisvörð

Segir í dagbókinni að umræddur maður sé í banni í versluninni vegna fyrri mála.

Átökin hafi brotist út þegar vísa átti honum út úr búðinni. Er hann þá sagður hafa ráðist að öryggisverðinum, og meðal annars beitt grjóti sem vopni.

Var öryggisvörðurinn fluttur á slysadeild vegna atviksins.

Verslun Lögreglumál Reykjavík

Mest lesið


Fleiri fréttir

Sjá meira


×

Mest lesið