Guðrún Hálfdánardóttir hefur verið ráðin til Ríkisútvarpsins þar sem hún á að leysa af Þórunni Elísabetu Bogadóttur á Morgunvaktinni á Rás 1 næsta hálfa árið. Hún starfaði lengi sem fréttastjóri og blaðamaður á Mbl.is.
Í tilkynningu frá RÚV kemur fram að gengið hafi verið frá ráðningu Guðrúnar í vikunni. Hún á að stýra Morgunvaktinni með Birni Þór Sigbjörnssyni í fjarveru Þórunnar Elísabetar á meðan hún er í fæðingarorlofi.
Guðrún var blaðamaður á Morgunblaðinu frá 1996 en hætti þar í vor. Gegndi hún meðal annars stöðu fréttastjóra viðskiptafrétta og fréttastjóra á Mbl.is á árum sínum þar. Vakti hún meðal annars athygli fyrir ítarlega greinaflokka um skóla-, geðheilbrigðis- og flóttamannamál.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
