Veiði

Fimm laxar yfir 100 sm í Laxá

Karl Lúðvíksson skrifar
Hafsteinn með 100 lsm laxinn úr Vitaðsgjafa
Hafsteinn með 100 lsm laxinn úr Vitaðsgjafa

Fimmti stórlaxinn yfir 100 sm var háfaður eftir baráttu veiðimanns við bakka Laxár í Aðaldal en hún er ein sú þekktasta á landinu fyrir stórlaxa.

Það er stór hópur veiðimanna sem fer í Laxá í Aðaldal árlega og á þessu sumri eftir breytingar á veiðifyrirkomulagi hafa allir þeir sem Veiðivísir hefur rætt við hrósað nýju fyrirkomulagi og sagt breytinguna kærkomna. Þessir hópar sem sækja í ánna hafa margir hverjir stundað hana í áratugi og fyrir utan ánægju af samveeru við bakkann með veiðifélögum er verið að reyna setja í laxa og þá helst stórlaxa. 

Hafsteinn Orri Ingvason náði nýlega þessum 100 sm laxi sem er á meðfylgjandi mynd á lítinn Rauðan Frances cone í Vitaðsgjafa og eins og sést á myndinni er tíminn kominn þegar laxarnir taka á sig riðabúning og einmitt þá fara stóru hængarnir á stjá og eiga það til að rífa í flugur veiðimanna.

Heildartalan úr Laxá í Aðaldal er engu að síður döpur. 270 laxar komnir á land á þessu sumri sem líklega flestir laxveiðimenn á norðurlandi vilja gleyma sem fyrst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.