Þær norsku töpuðu fyrir Rússlandi í undanúrslitum á meðan Svíþjóð tapaði fyrir Frakklandi. Grannþjóðirnar kepptu því um bronsið en leikur næturinnar varð aldrei spennandi.

Noregur var með öll völd á vellinum frá upphafi og skoraði 19 mörk gegn aðeins sjö mörkum Svíþjóðar í fyrri hálfleik. Norska liðið bætti þá við 17 mörkum gegn tólf í þeim síðari og var nálægt því að skora tvöfaldan marka fjölda Svíþjóðar er liðið vann 36-19 sigur.

Noregur fær því brons aðra Ólympíuleikana í röð og stýrir Þórir Hergeirsson norska liðinu í verðlaunasæti í tólfta sinn á sínu tólfta starfsári. Að neðan má sjá lista yfir verðlaun norska liðsins frá því að Þórir tók við liðinu árið 2009.