Veiði

Barátta við stórfisk í Brunná

Karl Lúðvíksson skrifar
Stórfiskurinn úr Brunná
Stórfiskurinn úr Brunná Mynd: G. Orri Rósenkranz

Brunná á sinn fasta hóp aðdáenda en í þessari fallegu á geta legið ansi stórir fiskar.

G. Orri Rósenkranz var þar við veiðar fyrir skemmstu og komst að því á eigin raun að það er aldrei að vita hversu stór fiskur tekur fluguna. Þeim félögum gekk vel við veiðar og sendu okkur smá sögu af þeirri baráttu sem var háð við urriðar sem er líklega 12-13 pund miðað við þær stærðartölur sem við fengum og eins af myndinni að dæma. Við óskum honum til lukku með þennan flotta fisk.

"Mættum í Brunná í töluverðu roki og 11°. Fengum strax tökur og fljótlega voru komnir 3 urriðar á land. Eftir nokkurn dauðann tíma hjá öllum tók stór fiskur og eftir nokkra baráttu slitnaði 18 punda taumurinn. Svekkelsi! Nýr 30punda taumur var settur undir og haldið ofan í á ný.

Eftir að hafa barið ánna árangurslaust í svolítinn tíma var kominn tími að fara á annað svæði. Í síðasta kastinu tók annar dreki og sá slapp ekki. 20min barátta tók við með rokum og miklu stressi að hann myndi ná að losa. Kom nokkru sinnum vel uppúr og loksins á land. Reyndist vera 78cm að lengd og 51cm að ummáli. Nokkrir smærri urriðar sýndu sig það sem eftir lifði dags og samtals tók hollið 16 Urriða á 3 vöktum."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.