Handbolti

Harpixið á hilluna eftir tuttugu ára feril með Stjörnunni

Arnar Geir Halldórsson skrifar
Sólveig Lára Kjærnested
Sólveig Lára Kjærnested vísir/bára

Sólveig Lára Kjærnested mun ekki leika með Stjörnunni í Olís-deild kvenna á næstu leiktíð.

Í tilkynningu sem handknattleiksdeild Stjörnunnar sendi frá sér í gær kemur fram að Sólveig Lára hafi ákveðið að leggja keppnisskóna á hilluna 

Sólveig hefur verið ein af burðarásum Stjörnunnar um árabil en hún gekk í raðir félagsins 15 ára gömul og hefur leikið með liðinu allar götur síðan ef frá er talið eitt keppnistímabil er hún lék í þýsku úrvalsdeildinni.

Hún lék 63 landsleiki fyrir A-landslið Íslands á ferli sínum og var hluti af liðinu sem tók þátt í fyrsta stórmóti kvennalandsliðsins í handbolta á EM í Danmörku árið 2010.

Sólveig Lára varð þrívegis Íslandsmeistari með Stjörnunni og fimm sinnum bikarmeistari.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.