Fjöldi fólks hefur lagt leið sína í skimun fyrir kórónuveirunni á síðustu dögum.Vísir/Ragnar
Nú liggur fyrir endanleg tala þeirra sem greindust með kórónuveiruna innanlands í fyrradag, 129 manns. Er það mesti fjöldi sem greinst hefur á einum degi hér á landi. Fyrra met nýgreindra var 123, en sá fjöldi greindist á mánudag og aftur á þriðjudag.
Þetta kemur fram í uppfærðum tölum á covid.is. Þegar tölur yfir þá sem greindust í fyrradag voru birtar í gær kom fram að 118 hefðu greinst, en ellefu hafa bæst við þá tölu síðan þá.
Almannavarnir hafa nú þann háttinn á að ef tölfræðivinnslu við greind sýni er ekki lokið klukkan ellefu daginn eftir, er bætt við endanlega tölu nýgreindra klukkan ellefu daginn eftir það, sólarhring síðar.
Fram kemur á covid.is að í dag hafi 112 hafi greinst í gær, en ekki liggur fyrir hvort það er endanleg tala greindra eða ekki. Þannig mun endanleg tala þeirra sem greindust í gær líklega ekki liggja fyrir fyrr en klukkan ellefu á morgun.
Í gær greindust 112 einstaklingar innanlands með Covid-19. Þar af voru 35 óbólusettir og tveir hálfbólusettir. 73 voru fullbólusettir. Áttatíu voru utan sóttkvíar við greiningu.
Annan daginn í röð var ekki greint frá endanlegum fjölda nýgreindra innanlandssmita klukkan 11 í dag líkt og til stóð. Metfjöldi Covid-sýna kom inn til sýkla- og veirufræðideildar Landspítala í gær en greiningu þeirra lauk í gærkvöldi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
