Bílar

Mercedes vinnur að Vision EQXX rafbíl með 1000 kílómetra drægni

Kristinn Ásgeir Gylfason skrifar
Fyrstu myndir eru vissulega óljósar en þetta er Mercedes EQXX.
Fyrstu myndir eru vissulega óljósar en þetta er Mercedes EQXX.

EQXX á að verða hreinn rafbíll með 1000km drægni og að verða sá skilvirkasti í heimi. Bíllinn er ennþá á hugmyndastigi.

Mercedes hefur að undanförnu verið að vinna að þessum bíl, með það markmið að komast frá Peking til Sjanghæ, sem eru um 1200 km. á á einni hleðslu. Endanleg drægni virðist enn vera óákveðin.

Til að ná markmiðum sem þessum um drægni þá þarf EQXX að vera afar skilvirkur. Mercedes segir að markmiðið sé að halda bílnum í eins stafa tölu þegar kemur að kWh á 100 kílómetrum. Sem þýðir að bíllinn nái meira en 10 km. á hverri kílóvattstund á hefðbundnum hraðbrautum.

Til að setja þau skilvirknimarkmið í samhengi þá fer Audi E-Tron um 3 km. á hverri kílóvattstund. Tesla Model 3 er að ná um 6 km. út úr hverri kílóvattstund, sem er með besta móti.

Þekking úr Formúlu 1 er notuð við þróun á EQXX. mercedes notar starfskrafta úr vélaþróunardeild Formúlu 1 liðsins til að ná endum saman þegar kemur að drægni. Bíllinn er ekki væntanlegur fyrr en á næsta ári. Mercedes segir að þetta verkefni muni nýtast til hagsbóta fyrri alla rafbíla framleiðandans í framtíðinni. Nýr arkitektúr er væntanlegur árið 2025 þá munu kaupendur Mercedes bíla njóta góðs af verkefninu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×